ياخ دا مسخ علي حياتي ومنع عيوني النوم..ف صباح اليوم التاني صحيت قبل عمر..جهزت حالي وختيت لي كم غيار ف الشنطة لانو متواعدة مع عمر يوديني لاهلي وقلت ح اقنع هديل ولا اوري امي بالحاصل واكيد حتتصرف لانو تاني م عندي حل اوقف بيه المهزلة دي..مشيت صبحت ع عمتي ولقيتها طبيعية م عاملت لي حركات امس حتى إنها سألتني عن حاجات اشوف عثمان جابها ولا لا..لم وريتها اني ماشة ناس امي عينت لي وسكتت قالت لي خييير امشي مع انو محتاجين ليك وعايدة وليداتها لسه عيانين م بتقدر تجي وعبير زاتها بتصل متأخرة! بس خلاص امشي بكونو محتاجين ليك لانو عثمان الله يهديهو فاجئنا كلنا بقرارو دا..كلامها طمئني شوية..لم رجعت بيتي لقيت عمر مع اخوانو بشربو الشاي لم شافني جيت البيت حصلني..صبح علي وقالي اها جاهزه عشان اوصلك معاي بطريقي..عاينت ليهوو مساااافة!! قلت ليه جاهزة بس معقولة مشيتي م فارقة معاك ولا حتى قلت لي حشتاق ليك ياخ انت م قلت ولا شيء وانا دموعي قررربو! حضني علية وقالي م تزعلي من حبيبك بس اليومين دي اموري جايطة وإنتي من المفترض تكوني متأكدة من محبتي ويدتي ليك..مع انو واساني شوية بس الاحساس الحلو داك ماف م حسيت بيه..ونحنا طالعين لاقينا زفت عثمان..قال خير إن شاءالله ع وييين!؟ انا م رديت اخوه حكي ليهو الحاصل..عاين لي بنظرة لئيمة خبيثة وقالي يخس عليك الليلة خطوبتي وناس البيت م مستعدين وعبير مافي وعلا ف المدرسة منو الحيغلف الهدايا ويرتب الحاجات..قلت ليه بنبره حادة كدا وديهم البوتيك الفي الزلط دا بجيهم ليك..قالي انتي نسيتي انك بقيتي فرد من الاسرة دي ولازم تكوني معاهم ف المواقف الزي دي..ولا م رضيانة بالزواج دا!! انا اتخلعت وعمر قاطعو قال ليه لشنو م ترضي السبب شنو!! عثمان ابتسم وقال سو البتشوفوه مناسب وعاين لي بطرف عينو ومشي نظام خطتك فشلت!! وانا واقفة زي البومة م عرفت اعمل شنو ولا اقول شنو ياخ عثمان دا داهية بقول كلام كيف كيف وطوالي بنسحب وبلخبط افكار الزول..عمر قالي انا عندي حل إنتي قيلي هنا وجهزي الحاجات مع ناس امي وبعدين المساء بعد يخطبو اختك بيتي معاهم وم ترجعي معانا..ومسكتي من كتافيني ومنتظر جوابي..انا خلاص النار ولعت ف جسمي وحاسة كلو منمممل..شلت نفس طويييل وقلت ليه كويس..ابتسم مشي الشغل وخلاني واقفة بشنطتي..ع طلعتو عثمان جا مارق من الصالون قالي بعيدآ عن كل شيء حاصل بجد انتي احلا بت شفتها ف حياتي وبالزات لم تغضبي..ضرب جبينو بيدو وقال ااخخخخ لو كنتي معاي..انا العبرة خانقاني وصوتي برجف قلت ليه اعمل كل البتقدر عليه مش لو فتنتني مع راجلي لو انطبقت السماء مع الارض انا م حكون ليك انت زيد ف ازيتي وربنا حيزيد ف شحتفة روحك..ومشيت خليتو واقف..رجعت بيتي وقلت انا لازم ابقى جامدة قدام الزفت دا ولا فعﻵ حيدمر حياتي..رجعت لعمتي وامبسطت لرجعتي ورتبت معاها الحاجات ومعانا بنات جيرانا بعد حلصنا قريب الظهر كدا نسمع ليك الزغاريت جاية ع البيت عمتي ضحكت وقالت دي عبير..فعﻵ طلعت هي سلمت علينا وجارتنا زغرتن معاها طبعآ انا بعرف ازغرت بس ف شنو بيستحق احتفل بيهو!! سألنها عن عايدة واولادها قالت طيبين وعايدة بقت كويسة بس اولادها عندهم إلتهاب وملاريا م بتقدر تخليهم وتجي ولا بتقدر تجيبهم معاها..خليتهم جايطين وجيت بيتي رقدتا شوية جاتني علا من المدرسة وطوالي بيتي م مشت ع بيتهم..قالت لي اها عملتي شنو ف المصيبة دي ولشنو م مشيتي لاهلك عشان توضحي ليهم الحاصل حكيت ليها موقف اخوها اتشهودت وقالت انها م كانت عارفة انو عثمان بالدنائه دي فربتت ع كتفي وقالت لي م تشيلي هم وربنا بسهلها وطلعت مشت..المساء طلعنا بهايسين اصﻵ كانو الجيران بس م ورو زول من الاهل لانو الزمن ضيق وجوطة وزغاريت وكلام فاضي ونحنا ف الطريق حاسة كانو نحنا ماشين موت اختي مش خطوبتها..انا عملت العلي وحزرتها بس هي مخدوعة بقروش عثمان وسماحتو!! وصلنا وماشاءالله ناس بيتنا تقول مجهزين للخطوبة من شهر! استقبلو الناس كويس وقامو بالواجب وامي خاشة ومارقة اما هديل خلوها ساي..ماشاءالله هي سمحة بس حجمها قليل ومعصعصة لكن طلعت حلوه والشلاقة دي وم خلت بت م عزمتها نظام تعالو شوفي راجلي كيف..انا بعاين ليها ساي وتحسر عليها..بس لم عمر وعثمان وعامر جو داخلين تبارك الله ماف زول م صل ع النبي وانبهر بيهم وبشياكتهم والعجب زفت الطين العريس اتمنيت ف اللحظة ديك يسحروه يقصرو اجلو..المهم تمت الخطوبة وفعﻵ انا قعدت مع ناس بيتنا ودلاك..
يتبع
ليست هناك تعليقات:
إرسال تعليق