دي مصيبة شنو الانا وقعت فيها دي واطلع منها كيف!! والحيساعدني منو إذا راجلي م عايز يسمع مني؛وسألت نفسي اسئلة كتيييرة وعمر لسسه م جا لم شفت الساعة لقيتا قريب 2صباحآ نمت..حسيت بيه جا بس م عارفة الساعة كم..الصباح صحتني علا قالت لي ياسجمانة النايمة ليها شنو!! فتحت عيوني عاينت ليها وابتسمت..قلت اصبحنا واصبح الملك لله مالك سادة نفسي من اول الصباح..ضحكت وطلعت ماشة المدرسة سألتها إذا عمر مع ناس عمتي عاينت لي بخلعة كدا وقالت لي مشى الشغل قبيييييييل..تخيلو ياجماعة انا من اتزوجت م حصل اصبحت إلا وانا ف حضنو يمشي بدون م يصبح علي حتى!! قمت اخدت لي حميمة ونضفت بيتي وكالعادة مشيت لعمتي..صبحت علي زي التقول جابرنها وسامعة ليها كلام..عايزه اعمل الفطور رفضت وقالت عايزه تعملو براها طوالي مشيت بيتي..فكرت اني ارجع بيت اهلي اغير جو واخلي الامور تهدا..بس قلت لشنو اهرب واخلي الاوضاع جايطة وانا اصﻵ م غلطة ف شيء!؟ وبفكر انا اسوي شنو وم جاني اي حل..زهجت تاني مشيت لعمتي قلت اقعد معاها يمكن اعرف لشنو متغيرة مني فعﻵ لقيتها راقدة متهوله قعد معاها شوية وقالت قلقانة ع بتها عايدة وعايزه تمشي تشوفها بقت كيف..شالت تلفونها اتصلت عليها بس م لقت رصيد قلت ليها انا عندي..جريت جري بيتي عشان اجيب تلفوني واتصدمتا بعثمان شايل تلفوني وم عرفتو بسوي ف شنو!! نهرتو لمن اتخلع قلت ليه شايل تلفوني لشنو..جدعو ف السرير وطلع..ولا ردا علي..انا اتهجمت وقلت خلاص بكون حول صور ولا عمل شيء جسمي كلو بينفض! مشيت لعمتي واديتها اتصلت ع بناتها وورتهم بخبر زواج عثمان وانا ف دنيا تانية ف عثمان بدبر لي ف شنو!! رجعت بيتي فتحت التلفزيون مليت قفلتو والنوم غلبني فتحت الواتس كان القى ليك هديل منزله ف الإستوري صورة عثمان وكاتبة ربنا يتم لينا ع خير وم يحرمني منك..انا اتهرطا ويدي رجفت وبدون م اشعر لقيت دموعي جارية!! اتصلت عليها هديل لشنو عملتي كدا والحاله انا وريتك حقيقة عثمان وهو م بحبك بس عايز ينتقم مني وتعالي هنا متييين هو فتح خشمو معاك ولا خطبك لشنو انتي شفغانة كدا وببكي..قالت لي هي انا كان ضيعت عثمان من يدي اكون واحدة فارة..ولو فعﻵ هو عايز ينتقم منك انا بتكلم معاه وحقنعو يتراجع وحخليهو يحبي غصب..وكلام كتيييير فاضي قفلت فيها الخط والبكاء غلبني وحلقي عايز ينشرط من الخنقة..وحسيت انها بتتقفل علي من كل النواحي..قمت اتوضيت وصليت لي ركعتين وشكيت لربي...لم عمر جا قلت ليه انا ماشة لاهلي م رفض قالي كويس باكر حوديك..ومشي الصالون قعد مع اخوة قال ليه عايز اسألك ولازم تجاوبني انا سمعتك وانت بشكي لزول ف التلفون مالك الحاصل عليك شنو والمضايقك منو!؟ المحتال داك قال ليه ماف شيء..وم صاح تتجسس ع الناس..عمر اعتذر وقال ليه م اتجسست بس سمعتك وانت بتتكلم لشنو م عايز توريني انا اخوك ولا نسيت!! وكمان زواجك من هديل قصة عايز تستغر وكلامك الفاضي دا م خشي لي ف راسي وريني ف شنو!! داك قال ليه وانا جادي معاك م حاصل شيء وانا بقدر اتصرف وطلع خلاهو الشك بياكل فية..المساء عمان جا وشايل شيء وشويات شبكة وحلويات وبارد وادا امو عشرين مليون لقوله خير قال ليها بكرة تمشو تخطبو لي هديل..كلهم اتفاجئو وامو زعلت منو عشان م شاورها ومشي جاب الحاجات براهو وانا خلاص حسيت بانو نهايتي وشيكة..جا عثمان دقا لينا الباب وقال لاخوة ف زول منتظرك بره..عمر طلع وهو فضل واقف دنقر علي وهمس لي قريب اضاني وقال ع قدر محبتي ليك وتعلقي بيك حدمر ليك حياتك وانتي البديتي..
يتبع..
ليست هناك تعليقات:
إرسال تعليق