ف اللحظة ديك م فكرت ف الانا عملتو بس كنت ع قناعة إنو الكف دا ابسط شيء ف موقف زي دا..وهو تقريآ مشى لاني م سمعت صوتو تاني وانا القعاد غلبني ماشة وجاية ف الغرفة ودقات قلبي سامعاها ف اضاني وبجد اترعبت عديل وم حسيت بالزمن إلا بعد جا عمر..ختيت ليهم الاكل بس انا م اكلت ولم اديتهم الشاي عامر قالي نزلي كباية عثمان م اتغدا م اظنو حيشرب شاي..ف قلبي قلت يشرب الحنضل بركة النبي...قعدت مع عمتي وخوفتني اكتر بكلامها!! م صرحت بحاجة بس كانت بلمح بالكلام..الزمن بقى كعب والنفوس ابت البعض والشيطان بقي يغش الناس سريع المهم تلميحات زي دي..مشيت بيتي وعمر اخدت قعدتو مع ابوه واخوانو حتى جاني..قلت ليه عمر انا عايزه اشكي ليك من عثمان اخوك..لو ترضي ولا تزعل اخوك دا بكرهو عديل وتصرفاتو معاي م حلوة وانا كل مره اقول اطنشو ومشيت بنصيحتك اني اتجاهلو بس لسه هو خاتيني ف راسو..اتهجم قالي انتي مشكلتك معاه شنو اكيد ف سوء تفاهم وعثمان اخوي مستحيل يقل ادبو معاك كلامك دا وجعني شديد وتاني م تقوليو لو كنتي زول تاني كنت حغلط معاك بس انتي صفي النية وم تفسرو طيبتو ع انها قلة ادب..انا انفعلت وقلت ليه م مصدقني يعني..م رد علي طلع مشي ع الصالون سمع اخوة بتكلم مع زول ف التلفون وبقول ليه انو تعب وم قادر يستحمل وندم ع اليوم الجا فيه وانو كره البيت والقعاد ف البيت وكلام كتييبر وانو الخطوة الجاية دي حيعملها غصب عنو عشان يضع حل نهائي للمشكلة دي..عمر ودخل الصالون ولا سألو رجع البيت..طبعآ إنتو م فهمتو صاح!! عثمان عايز يوقعني ي جماعة وبدبر لي ف مكيدة ويرمي الحق علي بدل م انا بشكي من معاكستو عايز يظهر للناس العكس..حسبي الله ونعم الوكيل فيهو..عمر جاني ولا فتح خمشو معاي وطفي النور بس صدقوني م نام!! الليل كلو بتقلب..الصباح ونحنا بنشرب الشاي كلنا جا عثمان وقال ي جماعة انا قررت اتزوج..كلنا اتهجمنا وم مستوعبين الحاصل..امو قالت ليه مبروك بس دا شنو القرار المفاجئ دا ومالك م وريتني وحتي عمر سألو نفس السؤال..قال ليهم هدا اسه عرفتو!! لسه لسه انتو م شفتو الهجمة لم قال العروس هديل اختي انا!!؟ الكباية تشش وقعت من يدي وعلا قالت ليه شنو؟؟ قال والله حابي استغر بعدا والعمر ماشي وكمان ماشة الله واثق ف تربية هديل لانو اختها المعانا دي اكبر دليل معدنهم...انا العبرة خنقتني وم قادرة استوعب هو لشنو عايز يعمل كدا ولا هدفو شنو..صدمنا كلنا عامر وعلا مشو المدرسة وعمي طلع ع السوق وعمر مشي الشغل..فضلنا نحنا التلاتة ف البيت..هو مشي الصالون وعمتي لسه مصدومة وبتاعين لي سااااي وانا خلاص شواطيني قامو فكيت العدة من يدي كنت بغسل فيها ومشيت ليه ف الصالون ودي كانت غلطة عمري..قلت ليهو دا شنو الكلام الفاضي القلتو دا!! ضحك وقالي غرتي ولا شنو؟ قلت ليهو بغضب انت متخلف اغير من شنو بس انت لشنو عايز تدمر حياة اختي!! قالي مالك انانية كدا لا عايزاني ليك ولا لاختك!! قلت ليه بطل سخف ووريني هدفك شنو؟! تخيلو قالي شنو انا عايز ادمرك عايز ازلك عايز امسح بيك الارض وغلطي غلطت عمرك لم رفعتي يدك علي ولم رفضتيني وبوعدك لو م بقيتي لي اعتبري ايامك بقت معدودة مع اخوي..طبعآ من الصدمة غلبني ارد علية وطلعت غضبانة من الصالون لمت عترت وقربت اقع بس القى ليك عمتي قدامي قالت لي كنتي ف الصالون!! وانا لاني م غلطة ولا ختيت فيها حاجة قلت ليها اي..وهنا عمتي خشاها الشك..مشيت المطبخ تميت عدتي وبجهز ف الفطور وهي خشمها م فتحتو معاي! م من عوايدها كان بتتونس معاي وبتنصحني وكلام كتير بس حاسة بيها متغيرة مني..مشيت بيتي واتصلت ع هديل قلت ليها عايزه اقول سر بس م توري زول اخو راجلي وقبل م اتم قالت لي اي الكسار داك احي انا منو مالو..هزيت راسي وقلت ليها عامل لي حركات وقالي ادبو معاي تخيلو قالت لي شنو بختتتتك ي محظوظة قاطعتها وقلت ليها انتي مجنونة دا اخو راجلي..قالت لي انا نسيت ياخ وهو سماحتو بتخليني اتزكر حاجة...ياخ هديل دي مش اكبر مني بس عويرة لمن غلط..قلت ليها قال عايز يخطبك عشان ينتقم مني كان اسمع ليك صرحتها ف التلفون عايزه تفتق اضاني وقفلت ف وشي البايرة!! م ادتني فرصة احكي معاها..المساء بعد عمر جا قلت ليه ي عمر اخوك دا م ناوي لخير وتعالو شوفو جاط فيني كيف مالك عايزه تجننيني كل شوية اخوك اخوك مشكلتك شنو انتي..وقال عثمان زاتو عندو مشكلة ف البيت دا وانا لازم اعرفها وطلع خلاني..تخيلو حبيبي الم حصل رفع صوتو وهو بيتكلم معاي جاط فيني واتنفض وطلع انا قعدت ابكي جات علا قالت لي والله انا خايفة وعثمان اخوي صعب وم بتقبل الهزيمة لو ختى حاجة ف راسو بسويها يعني بسويها والله يستر..كلامها خوفني اكتر وطلعت امها بتناديها وانا خلاص الدليل احتار بي وم عرفت اعمل شنو عثمان مدا راسو بالباب وقالي دي البداية بس...جهزي ملابسك لانك حترجعي اهلك قريييب!! انا حسيت براسي تقيل وزي المخدرة..ختيت راسي ف مخدتي والبكاء كملتو..
يتبع
ليست هناك تعليقات:
إرسال تعليق