ﻃﺒﻌﺂ ﻣﻦ ﺩﺧﻠﺖ ﺑﻴﺘﻲ ﺣﺴﻴﺖ ﺑﺮﺍﺣﺔ ﻡ ﻃﺒﻴﻌﻴﺔ ﻣﻊ ﺍﻧﻮ ﻻ ﻣﺸﺘﺮﻱ ﻟﻲ ﺍﺛﺎﺙ ﻣﻦ ﺍﻛﺒﺮ ﺍﻟﻤﻌﺎﺭﺽ ﻭﻻ ﻣﺴﺘﻮﺭﺩ ﺑﺲ ﻏﺮﻓﺔ ﻧﻮﻡ ﺑﺴﻴﻄﺔ ﺩﻭﻻﺏ ﻭﺳﺮﻳﺮ ﺩﺑﻞ ﻭﻣﻌﺎﻩ ﺗﻮﺍﻟﻴﺖ ﻭﻛﻨﺒﺔ ﻭﻋﻨﺪﻱ ﺑﺮﻧﺪﺍ ﺻﻐﻴﻴﻴﻴﺮﺓ ﻓﻴﻬﺎ ﺳﺮﻳﺮﻳﻦ ﻭﺍﺭﺑﻌﺔ ﻛﺮﺍﺳﻲ ﺑﻼﺳﺘﻚ ﻭﻃﻘﻢ ﺗﺮﺍﺑﻴﺰ ﺑﺲ ﺍﻧﺎ ﻣﻦ ﻓﺮﺣﺘﻲ ﺑﺮﺍﺟﻠﻲ ﻭﺍﻟﺴﻌﺎﺩﺓ ﺍﻟﻢ ﺳﺎﻳﻌﺎﻧﻲ ﺷﺎﻳﻔﺎﻩ ﻛﺄﻧﻮ ﻗﺼﺮ ! ﻳﻼ ﺣﺮﻛﺎﺕ ﺍﻟﻌﺮﻭﺳﺎﺕ ﺩﻱ ﻡ ﻋﻨﺪﻱ ﻣﻦ ﺟﻴﺖ ﺍﻟﺒﻴﺖ ﺑﻤﺸﻲ ﻟﻨﺴﺎﺑﺘﻲ ﻭﺑﺘﻮﻧﺲ ﻭﺑﺨﺶ ﺍﻟﻤﻄﺒﺦ ﻣﻊ ﺍﻧﻬﺎ ﺑﺘﻤﻨﻌﻨﻲ ﻭﺑﺘﻘﻮﻝ ﻟﻲ ﺍﻧﺘﻲ ﻋﺮﻭﺱ ﻭﺍﻧﺎ ﺑﻀﺤﻚ ﻭﺑﺮﺿﻮ ﺑﺴﺎﻋﺪﻫﻢ .. ﻭﻣﻌﺪﻳﻦﻫﺎ ﻋﺰﻭﻣﺎﺕ ﺳﺎﻱ ﻣﻦ ﺻﺤﺎﺑﻮ ﻻﻫﻠﻮ ﻟﻤﻦ ﺣﺴﻴﺖ ﺑﻨﻔﺴﻲ ﺳﻤﻨﺘﻪ .. ﻭﺍﻧﺎ ﻋﺮﻭﺱ ﻟﻲ ﻋﺸﺮﻳﻦ ﻳﻮﻡ ﺭﺍﺟﻠﻲ ﻧﺰﻝ ﺍﻟﺸﻐﻞ .. ﻃﺒﻌﺂ ﻋﻢ ﺭﺍﺟﻠﻲ ﻋﻨﺪﻭ ﺷﺮﻛﺔ ﺻﻐﻴﺮﺓ ﺣﻘﺖ ﺇﺳﺘﻴﺮﺍﺩ ﻭﺗﺼﺪﻳﺮ ﻭﻋﻤﺮ ﻣﺎﺳﻚ ﻟﻴﻬﻮ ﺍﻟﺤﺴﺎﺑﺎﺕ ﻳﻌﻨﻲ ﺩﻭﺍﻣﻮ ﺫﻱ ﺍﻟﻤﻮﻇﻒ ﺍﻟﺤﻜﻮﻣﻲ ﻣﻦ ﺍﻟﺼﺒﺎﺡ ﻟﻠﻌﺼﺮ ﺑﻴﺠﻲ ﺍﻟﺒﻴﺖ .. ﻳﻼ ﺍﻧﺎ ﺍﻟﺒﻴﺖ ﻡ ﺑﺘﻘﻌﺪ ﻟﻲ ﺑﺮﺍﻱ ﻋﻤﺮ ﻑ ﺍﻟﺸﻐﻞ ﻭﻡ ﻋﻨﺪﻱ ﺗﻠﻔﺰﻳﻮﻥ ﻣﻦ ﺍﻧﻀﻒ ﺑﻴﺘﻲ ﺑﻤﺸﻲ ﻉ ﻧﺎﺱ ﻋﻤﺘﻲ ﺍﻡ ﻋﻤﺮ .. ﻟﺤﺪﻱ ﻡ ﻣﻮﺍﻋﻴﺪﻭ ﺗﻘﺮﺏ ﺑﻤﺶ ﺍﺳﺘﺤﻢ ﻭﺑﺒﺨﺮ ﺍﻟﺒﻴﺖ ﻭﺑﻈﺒﻂ ﻧﻔﺴﻲ ﻻﻧﻮ ﺑﻜﻮﻥ ﻣﺸﺘﺎﻗﺔ ﻟﻴﻪ ﻣﻮﻭﻭﻭﻭﻭﺕ ! ﻳﻼ ﻑ ﻳﻮﻡ ﻭﺑﻌﺪ ﻡ ﺧﻠﺼﺖ ﺗﺠﻬﻴﺰﺍﺗﻲ ﺍﻟﻤﻌﺘﺎﺩﺓ ﻗﻠﺖ ﺍﺧﺪ ﻟﻲ ﺑﻮﺧﺔ ﻟﺤﺪﻱ ﻡ ﻳﺠﻲ ﻭﻓﻊﻵ ﻗﻌﺪﺓ ﻟﻤﺖ ﻓﺘﺮﺕ ﻣﻦ ﺍﻟﻘﻌﺎﺩ ﻭﺍﺑﻴﺖ ﺍﻗﻮﻡ ﻻﻧﻲ ﻣﻨﺘﻈﺮﺍﻩ ﻳﺠﻲ ﻳﺪﻟﻌﻨﻲ ﻭﻳﺸﻴﻠﻨﻲ ﻭﻛﻤﻠﺖ ﺍﻟﺤﻄﺐ ﺍﻟﺠﺒﺘﻮ ﻛﻠﻮ ﻭﻫﻮ ﻡ ﺟﺎ؟؟ ﻡ ﻣﻦ ﻋﻮﺍﻳﺪﻭ ﻳﺘﺄﺧﺮ ﻑ ﺍﻟﺸﻐﻞ ﻟﻢ ﺯﻫﺠﺖ ﻣﻦ ﺍﻟﻘﻌﺎﺩ ﺭﻓﻌﺖ ﺣﺎﺟﺎﺗﻲ ﻭﺣﻠﻔﺖ ﻡ ﺍﺧﻠﻴﻬﻮ .. ﺑﺲ ﻫﻮ ﺍﺗﺄﺧﺮ ﺷﺪﻳﺪ ﻭﺍﻟﻤﻐﺮﺏ ﺍﺫﻥ ﻭﻫﻮ ﻟﺴﻪ ﻡ ﺟﺎ ﺍﻟﺒﻴﺖ ﺍﻧﺎ ﻗﻠﺒﻲ ﺍﻛﻠﻨﻲ ﻭﺍﺗﺼﻠﺖ ﻋﻠﻴﻪ ﺑﺲ ﻡ ﺑﺮﺩ ﻋﻠﻲ ﻭﺩﺍ ﺍﻟﺸﻲﺀ ﺍﻟﺨﻮﻓﻨﻲ ﺍﻛﺘﺮ ﻗﺒﻞ ﻡ ﺍﺧﺖ ﺍﻟﺘﻠﻔﻮﻥ ﻣﻦ ﻳﺪﻱ ﺟﺎﺕ ﻋﻤﺘﻲ ﺩﺍﺧﻠﻪ ﺑﺮﺿﻮ ﻗﻠﻘﺎﻧﺔ ﻋﻠﻴﻪ ﻭﻗﺎﻟﺖ ﻡ ﻣﻦ ﻋﻮﺍﻳﺪﻭ ﻳﺘﺄﺧﺮ ﻭﺍﻧﺎ ﺧﻼﺹ ﻗﻠﺒﻲ ﺑﻘﻰ ﻳﻀﺮﺏ ! ﻭﻡ ﻋﺮﻓﺖ ﺍﻋﻤﻞ ﺷﻨﻮ .. ﺑﺲ ﺍﺗﻮﺿﻴﺖ ﻭﺻﻠﻴﺖ ﺍﻟﻤﻐﺮﺏ ﻭﺍﻧﺎ ﺑﻄﻠﺐ ﻣﻦ ﺭﺑﻲ ﻳﺤﻔﻆ ﺭﺍﺟﻠﻲ ﻭﻳﻄﻤﺌﻦ ﻗﻠﺒﻲ ﻋﻠﻴﻪ،ﻭﺍﻧﺎ ﺳﺎﺟﺪﺓ ﻛﺎﻥ ﺍﺳﻤﻊ ﻟﻴﻚ ﺍﻟﺴﻼﻡ ﻋﻠﻴﻜﻢ ﻭ ﻋﺒﻴﺮ ﺍﺧﺖ ﻋﻤﺮ ﺻﺮﺧﺖ ﺧﻼﺹ ﺍﻧﺎ ﺍﻧﺒﻬﻄﺖ ﻭﺟﺴﻤﻲ ﺳﺎﺡ ﻡ ﺑﺘﺰﻛﺮ ﺍﻧﺎ ﻗﻤﺖ ﻉ ﺣﻴﻠﻲ ﻭﻻ ﺣﺒﻴﺖ ﺑﺲ ﻟﻘﻴﺖ ﻧﻔﺴﻲ ﻑ ﺍﻟﺤﻮﺵ ﺟﻴﺖ ﻛﻴﻒ ﻡ ﻣﺘﺄﻛﺪﺓ !! ﻛﺎﻥ ﺍﺷﻮﻓﻮ ﻟﻴﻚ ﻭﻣﻌﺎﻩ ﻭﺍﺣﺪ ﺷﻜﻠﻮ ﻡ ﻏﺮﻳﺐ ﻋﻠﻲ ﺑﺲ ﻡ ﺑﻌﺮﻑ ﺷﻔﺘﻮ ﻭﻳﻦ .. ﺍﺗﺎﺭﻳﻬﻮ ﻃﻠﻊ ﺍﺧﻮ ﺭﺍﺟﻠﻲ ﺍﻻﻛﺒﺮ ﻣﻨﻮ ﻋﺜﻤﺎﻥ ﻛﺎﻥ ﻑ ﻗﻄﺮ ﻭﺟﺎ ﺑﺪﻭﻥ ﻡ ﻳﻜﻠﻢ ﺯﻭﻝ ﻭﻋﻤﻠﻬﺎ ﻟﻨﺎﺱ ﺍﻟﺒﻴﺖ ﻣﻔﺎﺟﺄﺓ ﻭﺭﺍﺟﻠﻲ ﻣﺸﻲ ﺍﻟﻤﻄﺎﺭ ﻋﺸﺎﻥ ﻳﺴﺘﻘﺒﻠﻮ ﻭﻡ ﻭﺭﺍﻧﻲ ﻭﻻ ﻛﻠﻢ ﺯﻭﻝ ﻭﻛﺎﻥ ﺷﻔﺘﻮ ﺍﻣﻮ ﻭﺍﺧﻮﺍﺗﻮ ﺍﻟﺒﻜﻲ ﻭﺍﻟﺴﻼﻡ ﺑﺎﻻﺣﻀﺎﻥ ﻭﺟﻮﻃﺔ ﻭﺍﻧﺎ ﻓﺮﺣﺖ ﻟﻔﺮﺣﺘﻬﻢ ﺑﺠﻴﺔ ﻭﻟﺪﻫﻢ ﺍﻟﻜﺒﻴﺮ ﺑﺲ ﻛﻞ ﻡ ﺗﺠﻲ ﻋﻴﻮﻧﻲ ﻑ ﻋﻴﻮﻥ ﻋﻤﺮ ﺑﺼﺮ ﻟﻴﻬﻮ ﻭﺷﻲ .. ﺳﻠﻤﺖ ﻉ ﺍﺧﻮﺓ ﻭﺍﺗﺰﻛﺮﺕ ﺷﻜﻠﻮ ﻻﻧﻲ ﺷﻔﺖ ﻟﻴﻪ ﺻﻮﺭ ﻗﺒﻞ ﻛﺪﺍ .. ﺑﺎﺭﻙ ﻟﻲ ﻭﺍﻋﺘﺬﺭ ﻻﻧﻮ ﺍﻟﺸﺮﻛﺔ ﻡ ﺍﺩﺗﻮ ﺍﺟﺎﺯﻩ ﻋﺸﺎﻥ ﻳﺤﻀﺮ ﻋﺮﺳﻨﺎ ﻭﺍﻧﺎ ﺍﻋﺠﺒﻜﻢ ﻑ ﺍﻟﻜﻼﻡ ﺍﻟﺤﻠﻮ ﻗﻠﺖ ﻟﻲ ﺟﻴﺘﻚ ﺩﻱ ﺑﺘﻌﻨﻲ ﻟﻲ ﻛﺘﻴﻴﻴﺮ ﻭﻓﺮﺣﺘﻲ ﺑﺸﻮﻓﺘﻚ ﺑﺘﻐﻨﻴﻨﻲ ﻋﻦ ﺍﻟﻒ ﻓﺮﺡ .. ﻃﺒﻌﺂ ﻳﺪﻭ ﻣﺎﺷﺎﺀ ﺍﻟﻠﻪ ﺍﺗﻘﻮﻝ ﻫﻮ ﺍﻟﻌﺮﻭﺱ ﻡ ﺍﻧﺎ .. ﻭﻣﺸﻴﺖ ﺍﻟﻤﻄﺒﺦ ﻟﻘﻴﺖ ﺍﺧﺘﻮ ﻣﻦ ﺍﻟﻔﺮﺣﺔ ﻋﻤﻠﺖ ﺍﻟﻌﺼﻴﺮ ﻭﺧﻠﺘﻮ ﻗﺒﻠﻮ ﻡ ﺟﺎﺑﺘﻮ ﻟﻴﻬﻢ ﺿﺤﻜﺖ ﻭﺟﺒﺘﻮ ﺍﻧﺎ ﻟﻢ ﻣﺪﻳﺖ ﻟﻴﻪ ﻳﺸﻴﻞ ﻭﻗﺎﻝ ﻟﻲ ﻣﺎﺷﺎﺀﺍﻟﻠﻪ ﻑ ﺍﻟﺤﻘﻴﻘﺔ ﺍﺣﻼ ﺑﻜﺘﻴﺮ ﻣﻦ ﺍﻟﺼﻮﺭ ﺍﺗﺒﺴﻤﺖ ﻭﻗﻠﺖ ﻟﻴﻪ ﻋﻴﻮﻧﻚ ﺍﻟﺤﻠﻮﻳﻦ ﻱ ﺯﻭﻕ ﻭﺍﺑﻴﺖ ﺍﺩﻱ ﺭﺍﺟﻠﻲ ﺧﺘﻴﺖ ﺍﻟﺼﻴﻨﻴﺔ ﻋﻤﺘﻲ ﻻﺣﻈﺖ ﻟﻲ ﺑﻘﺖ ﺗﻀﺤﻚ ... ﺑﻌﺪ ﺭﺟﻌﻨﺎ ﺑﻴﺘﻨﺎ ﻗﻠﻌﺖ ﺗﻮﺑﻲ ﻭﺍﻣﺒﻄﺤﺖ ﻑ ﺍﻟﺴﺮﻳﺮ ﻭﺍﺩﻳﺖ ﻭﺷﻲ ﺍﻟﺤﻴﻄﺔ ﺍﻟﺤﻘﺎﺭ ﺑﻘﻰ ﻳﻀﺤﻚ ﺟﺎ ﻗﻌﺪ ﺟﻤﺒﻲ ﻭﻳﻬﺒﺶ ﻑ ﺷﻌﺮﻱ ﻭﺍﻧﺎ ﺑﺰﺡ ﻑ ﻳﺪﻭ ﻣﻨﻲ .. ﺍﻟﻤﻬﻢ ﺍﻋﺘﺬﺭ ﻭﻗﺎﻝ ﺍﻧﻮ ﻡ ﻛﺎﻥ ﻋﺎﺭﻑ ﺑﻌﺪ ﻃﻠﻊ ﻣﻦ ﺍﻟﺸﻐﻞ ﺍﺗﺼﻞ ﻋﻠﻴﻪ ﺍﺧﻮﺓ ﻣﻦ ﺍﻟﻤﻄﺎﺭ ﻭﻗﺎﻝ ﻟﻴﻪ ﻡ ﺗﻮﺭﻱ ﺯﻭﻝ ﻭﻡ ﻗﺪﺭ ﻳﺮﺩ ﻋﻠﻲ ﻻﻧﻮ ﻣﺴﺘﺤﻴﻞ ﻳﺨﺒﻲ ﻋﻠﻲ ﺷﻲﺀ ﻭﻻ ﻳﺪﺱ ﻣﻨﻲ ﻭﺍﻧﻮ ﻡ ﺑﻘﺪﺭ ﻳﺴﺘﺤﻤﻞ ﺯﻋﻠﻲ ﻭﻛﻼﻡ ﻛﺘﻴﻴﺮ ﺣﻠﻮ ﺧﺎﻳﻔﺔ ﺍﻗﻮﻟﻮ ﺍﻣﺴﺦ ﻉ ﺍﻟﻤﺘﺰﻭﺟﺎﺕ ﺭﺟﺎﻟﻬﻢ ﻭﻣﻊ ﻛﻢ ﺑﻮﺷﺔ ﻑ ﺍﻟﺮﻗﺒﺔ ﺍﻧﺎ ﺭﺿﻴﺖ ﺑﺲ ﺑﺮﺿﻮ ﻋﺎﻣﻠﺔ ﻓﻴﻬﺎ ﺗﻘﻴﻠﻪ ﻋﺸﺎﻥ ﺗﺎﻧﻲ ﻡ ﻳﻌﻴﺪﻫﺎ ﻣﻊ ﺍﻧﻲ ﻣﺸﺘﺎﻗﺔ ﻟﻴﻪ ﻣﻮﺕ ﻭﺑﺠﺪ ﺧﻔﺖ ﻋﻠﻴﻪ ﻉ ﻃﻔﻴﺘﻮ ﻟﻠﻤﺒﺔ ﻭﺍﻧﺎ ﻣﺘﻜﻬﺮﺑﺎ ﺍﺳﻤﻊ ﺩﻗﺔ ﻑ ﺍﻟﺒﺎﺏ ﻃﺒﻌﺂ ﺷﻤﻴﺖ ﺍﻟﻮﺿﻊ ﻭﻫﻮ ﻗﺎﻝ ﻟﻲ ﺍﻋﻤﻠﻲ ﻧﺎﻳﻤﺔ ﻭﻡ ﺗﺸﺘﻐﻠﻲ ﺑﺎﻟﺒﺎﺏ ﺑﺲ ﺍﻧﺎ ﺍﺑﻴﺖ ﻗﻠﺖ ﻟﻴﻪ ﺑﻜﻮﻥ ﻑ ﺷﻲﺀ ﻭﻻ ﻡ ﻛﺎﻥ ﺩﻗﻮ ﻟﻴﻨﺎ ﺍﻟﺒﺎﺏ .. ﺍﻟﻤﻬﻢ ﺍﺗﺎﻓﻒ ﻭﻗﺎﻡ ﻓﺘﺢ ﺍﻟﺒﺎﺏ ﻟﻘﺎﻩ ﺍﺧﻮﺓ ﻋﺜﻤﺎﻥ؟؟
نواصل بعدين..
ليست هناك تعليقات:
إرسال تعليق