ﺍﻧﺎ ﻣﻨﺘﻈﺮﺓ ﻭﻫﻮ ﺑﻴﺤﻜﻲ ﻣﻊ ﺍﺧﻮﻩ ﺑﺮﺍ، ﺟﺎ ﺷﺎﻝ ﺍﻟﺸﺎﺣﻦ ﻭﺳﺄﻟﻨﻲ ﻋﻦ ﺣﺒﻮﺏ ﺍﻟﺒﻨﺪﻭﻝ !! ﺑﻌﺪﺍﻙ ﻗﻔﻞ ﺍﻟﺒﺎﺏ ﻭﺟﺎﻧﻲ ﺑﺘﺒﺴﻢ .. ﺳﺎﻟﺘﻮ ﻟﺸﻨﻮ ﺑﺘﺒﺴﻢ ﻗﺎﻟﻲ ﺑﻄﻠﻲ ﺷﻤﺎﺭﺍﺕ ﺍﻱ ﺣﺎﺟﺔ ﻋﺎﻳﺰﻩ ﺗﻌﺮﻓﻴﻬﺎ ﺇﻧﺘﻲ .. ﻗﻠﺖ ﻟﻴﻪ ﻳﻌﻨﻲ ﺍﺧﻮﻙ ﻡ ﺣﻼ ﻟﻴﻬﻮ ﺍﻟﺸﺎﺣﻦ ﺇﻻ ﺍﺳﻪ ﻳﻌﻨﻲ !! ﻭﻻ ﺍﺷﺘﻐﻞ ﺑﻜﻼﻣﻲ ﻛﺄﻧﻲ ﻡ ﻗﻠﺖ ﺷﻲﺀ ﺑﺲ ﻛﺎﻥ ﺍﺷﻮﻓﻮ ﻣﺘﻠﺐ ﺑﻜﻠﻮﻭ ﻑ ﺍﻟﺴﺮﻳﺮ ﻭﻗﺎﻝ ﺑﺴﻢ ﺍﻟﻠﻪ ﺍﻟﻤﺒﺪﻱ ﻣﺘﻤﻮﻡ ﻭﺳﺄﻟﻨﻲ ﺍﻫﺎ ﻛﻨﺎ ﻭﻳﻦ ﻭﺍﻧﺎ ﻓﻜﻴﺖ ﺍﻟﻀﺤﻜﺔ .. ﻭﻫﻮ ﻳﺴﻜﺖ ﻓﻴﻨﻲ؛ ﻃﺒﻌﺂ ﺍﻧﺎ ﻟﻢ ﺍﻛﻮﻥ ﻣﺒﺴﻮﻃﺔ ﺷﺪﻳﺪ ﺑﺘﺠﻴﻨﻲ ﺿﺤﻜﺔ ﻏﺮﻳﺒﺔ ﺧﻼﺹ ﻭﻻ ﺯﺭﺓ ﺍﻧﻮﺛﺔ ﻡ ﻓﻴﻬﺎ ... ﻭﺍﻟﺤﺼﻞ ﺑﻌﺪﺍﻙ ﻡ ﺑﻬﻤﻜﻢ ﻛﺘﻴﻴﻴﺮ .. ﺍﻟﻴﻮﻡ ﺍﻟﺘﺎﻧﻲ ﺻﺤﻴﺖ ﺑﺪﺭﻱ ﺧﻠﻴﺖ ﻋﻤﺮ ﻧﺎﻳﻢ ﺍﺳﺘﺤﻤﻴﺖ ﻭﺻﻠﻴﺖ ﺍﻟﺼﺒﺢ ﻟﻘﻴﺖ ﻋﻤﺘﻲ ﺻﺤﺖ ﺑﺪﺭﺭﺭﻱ ﺑﺘﺮﻣﻲ ﻑ ﻟﻘﻴﻤﺎﺕ ﻃﺒﻌﺂ ﺍﻧﺎ ﻣﺴﺘﻌﺪﺓ ﺍﻛﻞ ﻣﻨﻬﺎ ﺗﻼﺗﺔ ﺻﺤﺎﻧﺔ ﻡ ﺑﺸﺒﻊ ﻭﺑﺎﻟﺰﺍﺕ ﻟﻢ ﺗﻜﻮﻥ ﺳﺨﺨﺨﺨﻨﺔ ﻗﻌﺪﺕ ﻣﻌﺎﻫﺎ ﻭﻫﻲ ﺗﺮﻣﻲ ﻭﺍﻧﺎ ﺍﻛﻞ ﻭﻫﻲ ﺗﻀﺤﻚ ﻭﺗﻘﻮﻝ ﻟﻲ ﺇﻥ ﺷﺎﺀﺍﻟﻠﻪ ﺗﻨﻔﻌﻚ .. ﻗﺎﻟﺖ ﻟﻲ ﺣﺮﻛﻲ ﻟﻲ ﻫﻨﺎ ﻣﺎﺷﺔ ﻉ ﻋﻤﻚ ﺍﻭﺩﻱ ﻟﻴﻪ ﺍﻟﺸﺎﻱ .. ﻃﻮﺍﻟﻲ ﻡ ﺍﺗﺮﺩﺩﺕ ﻗﻌﺪﺗﻪ ﺑﺤﻤﺮ ﻓﻴﻬﺎ ﻭﺑﺎﻛﻞ .. ﺑﺲ ﺟﺎ ﺧﺎﺷﻲ ﻓﻴﻨﻲ ﻋﺜﻤﺎﻥ ﻭﺍﻧﺎ ﺷﻼﻟﻴﻔﻲ ﻛﻠﻬﺎ ﺯﻳﺖ ﻭﺳﻜﺮ ﻭﺟﻀﻮﻣﻲ ﻣﻠﻴﺎﻧﺔ ﻟﻤﻦ ﺧﺠﻠﺖ ﻣﻦ ﻣﻨﻈﺮﻱ .. ﻟﻢ ﺷﺎﻓﻨﻲ ﺑﻘﻰ ﻳﺘﺒﺴﻢ ﺳﺎﻱ ﻭﺻﺒﺢ ﻋﻠﻲ ﻭﺳﺄﻟﻨﻲ ﻋﻦ ﺍﻣﻮ ﻭﺭﻳﺘﻮ ﻣﺸﺖ ﻭﻳﻦ .. ﻃﻠﻊ ﻣﻦ ﺍﻟﻤﻄﺒﺦ ﻭﺗﺎﻧﻲ ﻣﺪﺍ ﺭﺍﺳﻮ ﺑﺎﻟﺒﺎﺏ ﻗﺎﻝ ﻟﻲ ﺑﻌﺘﺬﺭ ﻻﻧﻲ ﺍﺯﻋﺠﺘﻜﻢ ﺍﻣﺲ ﺑﺲ ﻛﻨﺖ ﻣﺼﺪﻉ ﺷﻮﻳﺔ ﻭﻑ ﻧﻔﺲ ﺍﻟﻮﻗﺖ ﻭﻻﺯﻡ ﻛﺎﻥ ﺍﺷﺤﻦ ﺗﻠﻔﻮﻧﻲ ﻻﻧﻮ ﻋﻨﺪﻱ ﻣﻜﺎﻟﻤﺎﺕ ﻣﻬﻤﺔ .. ﻗﻠﺖ ﻟﻴﻪ ﻭﻟﻮﻭﻭ ﻭﻻ ﻳﻬﻤﻚ ﻋﺎﺩﻱ ﺑﺘﺤﺼﻞ ﺍﻫﺎ ﺇﻥ ﺷﺎﺀﺍﻟﻠﻪ ﺍﻟﺼﺪﺍﻉ ﺭﺍﺡ ! ؟ ﻗﺎﻝ ﺍﻧﻮ ﻑ ﺍﻓﻀﻞ ﺣﺎﻟﺘﻮ ﻭﺑﻌﺪ ﺷﺎﻓﻨﺎ ﻛﻞ ﺍﻵﻣﻮ ﺭﺍﺣﺖ ﻭﺍﻟﺼﺪﺍﻉ ﺑﺴﺒﺐ ﺍﻟﺴﻔﺮ ﺑﺲ ﻭﺍﺗﺒﺴﻢ ﻭﻃﻠﻊ .. ﻃﺒﻌﺂ ﻫﻮ ﻣﺒﺘﺴﻢ ﻃﺒﻴﻌﻲ ﻟﻮ ﺑﺘﻜﻠﻢ ﻋﺎﺩﻱ ﺗﺤﺴﻮ ﻛﺎﻧﻮ ﺑﻀﺤﻚ ﺗﺒﺎﺭﻙ ﺍﻟﻠﻪ ﻣﺰﺯ ﻣﺰﺍﺯﻩ ﻭﻡ ﺑﺸﺒﺔ ﺇﻻ ﺍﻟﺸﻴﻒ ﺑﺎﺭﻭﻥ ﺑﺘﺎﻉ ﺍﻟﺘﻮﺏ ﺷﻴﻒ ﺩﺍﻙ ﺑﺲ ﺩﺍ ﺻﻐﻴﺮ ﻑ ﺍﻟﻌﻤﺮ ﻭﻟﻮﻧﻮ ﺍﻟﻘﻤﺤﻲ ﻣﺴﻤﺤﻮ ﺍﻛﺘﺮ ﻡ ﺗﻘﻮﻟﻮ ﺍﻟﺰﻭﻟﻪ ﺩﻱ ﻋﻠﻘﺖ ﻣﻌﺎﻩ ﺑﺲ ﺍﻟﻨﺼﻴﺤﺔ ﺑﺘﺘﻘﺎﻝ .. ﻳﻼ ﻭﻫﻮ ﻣﺎﺷﻲ ﻻﻗﻰ ﺍﻣﻮ ﻭﺗﺎﻧﻲ ﺭﺟﻌﻨﺎ ﻟﻸﺣﻀﺎﻥ ﻭﺍﻟﺴﻼﻡ ﺍﻟﺤﻠﻮ ﺩﺍﻙ .. ﻧﺎﺱ ﺍﻟﺒﻴﺖ ﻗﺎﻟﻮ ﻋﺎﻳﺰﻳﻦ ﻳﻌﻤﻠﻮ ﻛﺮﺍﻣﺔ ﺻﻐﻴﺮﺓ ﻛﺪﺍ ﻋﺸﺎﻥ ﻭﻟﺪﻫﻢ ﺟﺎ ﺑﺲ ﻫﻮ ﺭﻓﺾ ﻭﻗﺎﻝ ﺇﻧﻮ ﻣﺎﺷﻲ ﺍﻟﻤﻄﺎﺭ ﻻﻧﻮ ﺷﺤﻨﺘﻮ ﻡ ﺳﻠﻤﻮﻩ ﻟﻴﻬﺎ ﻭﻋﻨﺪﻭ ﻛﻢ ﻣﺸﻮﺍﺭ ﻛﺪﺍ .. ﻑ ﺍﺗﻔﻘﻮ ﻳﻌﻤﻠﻮﻫﺎ ﻳﻮﻡ ﺍﻟﺠﻤﻌﺔ ﻭﻳﻌﺰﻣﻮ ﺍﻻﻫﻞ ﻭﺍﻻﺻﺤﺎﺏ ﻳﻌﻨﻲ ﺑﻌﺪ ﻳﻮﻣﻴﻦ ! ﻣﺸﻰ ﻣﻌﺎﻩ ﺣﺒﻴﺒﻲ ﻭﻧﺤﻨﺎ ﻛﻨﺎ ﺑﺮﺗﺐ ﺍﻓﻜﺎﺭﻧﺎ ﻟﻠﺘﺠﻬﻴﺰﺍﺕ ﺑﺘﺎﻋﺔ ﺍﻟﻜﺮﺍﻣﺔ ﻋﺒﻴﺮ ﺍﺗﺼﻠﺖ ﻻﻫﻠﻬﻢ ﻭﻋﻤﺘﻲ ﻛﻠﻤﺖ ﺍﻟﺠﺎﺭﺍﺕ ﻭﺻﺤﺒﺎﻫﺎ ﻭﺍﻧﺎ ﺧﺎﺷﺔ ﻭﻣﺎﺭﻗﺔ ﻣﻌﺎﻫﻢ ﻡ ﻋﻨﺪﻱ ﺷﻲﺀ ﻣﺤﺪﺩ،ﻧﻬﺎﻳﺔ ﺍﻟﻴﻮﻡ ﺟﻮ ﺧﺎﺷﻴﻦ ﻭﻣﺎﺷﺎﺀﺍﻟﻠﻪ ﻣﻌﺎﻫﻢ ﺷﻲ ﻭﺷﻮﻳﺎﺕ ﺍﺟﻬﺰﻩ ﺇﻟﻜﺘﺮﻭﻧﻴﺔ ﻭﻫﺪﺍﻳﺎ ﻭﺷﻨﻂ ﻡ ﺑﻌﺮﻑ ﻓﻴﻬﻢ ﺷﻨﻮ ﻭﺍﻟﺸﻤﺎﺭ ﺣﺎﺭﻗﻨﻲ ﻋﺸﺎﻥ ﺍﺷﻮﻓﻬﻢ ﻭﻣﺴﻜﺖ ﻧﻔﺴﻲ ﻏﺼﺐ .. ﻃﺒﻌﺂ ﺍﻧﺎ ﻡ ﻭﺭﻳﺘﻜﻢ ﺍﺧﻮﺍﻥ ﺭﺍﺟﻠﻲ ﻫﻢ ﻛﻢ ﺗﻼﺗﺔ ﺍﻭﻻﺩ ﻭﺗﻼﺗﺔ ﺑﻨﺎﺕ ﺍﻛﺒﺮﻫﻢ ﻋﺜﻤﺎﻥ ﺛﻼﺛﻴﻨﻲ ﺑﺲ ﺗﻘﺮﻳﺒﺂ ﻑ ﺑﺪﺍﻳﺘﻬﺎ،ﻭﺑﻌﺪﻳﻬﻮ ﻋﺎﻳﺪﺓ ﻣﺘﺰﻭﺟﺔ ﺑﺲ ﻡ ﺑﺘﺠﻲ ﻟﻨﺎﺱ ﺑﻴﺘﻬﻢ ﺇﻻ ﻟﻮ ﺣﺼﻞ ﺷﻲﺀ ﺗﻘﺮﻳﺒﺂ ﺭﺍﺟﻠﻬﺎ ﺻﻌﺐ ﺷﻮﻳﺔ ﻭﻡ ﺑﺨﻠﻴﻬﺎ ﻃﻠﻊ ﻛﺘﻴﻴﺮ .. ﺑﻌﺪﻳﻬﺎ ﺣﺒﻴﺒﻲ ﻋﻤﺮ 27 ﺳﻨﺔ ﻭﺑﻌﺪﻳﻬﻮ ﻋﺒﻴﺮ 24 ﺧﺮﻳﺠﺔ ﻭﻋﺎﻣﺮ 20 ﻭﻋﻼ 17 ﻟﺴﻪ ﻃﻠﺒﻪ ﺩﻱ ﺍﺳﺮﺗﻲ ﺍﻟﺘﺎﻧﻴﺔ ﺍﻟﺒﺤﺒﻬﻢ ﻣﻦ ﻛﻞ ﻗﻠﺒﻲ .. ﺍﻟﻤﻬﻢ ﻭﺯﻋﻮ ﻟﻴﻨﺎ ﺍﻟﻬﺪﺍﻳﺎ ﻭﻧﺤﻨﺎ ﻻﻧﻮ ﻋﺮﺳﺎﻥ ﻋﺰﺍﻧﺎ ﻋﺰ ﺟﺎﺏ ﻟﻲ ﺳﺪ ﺑﺘﺎﻉ ﺩﻫﺐ ﻭﺭﻳﺤﺔ ﻭﺻﻨﺪﻝ ﻳﺎﺥ ﺣﺎﺟﺎﺕ ﻑ ﺍﻟﺸﻴﻠﻪ ﻡ ﺟﺎﺑﻮﻫﺎ ﻟﻲ ﻭﺟﺎﺏ ﻋﻄﺮ ﻭﺗﻠﻔﻮﻥ ﻭﻛﻢ ﻣﻘﻄﻊ ﻻﺧﻮﺓ ﺷﻜﺮﺗﻮ ﻭﻗﻠﺖ ﻟﻴﻪ ﻡ ﻛﺎﻥ ﺗﺘﻌﺐ ﻧﻔﺴﻚ ﻭﺟﻴﺘﻚ ﺑﺮﺍﻫﺎ ﺑﺎﻟﺪﻧﻴﺎ .. ﻭﺍﻟﻠﻴﻞ ﻛﻠﻮ ﺍﻧﺎ ﻗﺪﺍﻡ ﺍﻟﻤﺮﻳﺎ ﺑﻌﺎﻳﻦ ﻟﻠﻌﻘﺪ ﻑ ﺭﻗﺒﺘﻲ ﻭﻋﻤﺮ ﻳﻀﺤﻚ ﻗﺎﻝ ﻟﻲ ﻋﺸﺎﻥ ﺣﺪﻳﺪﺓ ﺑﺘﻠﻤﻊ ﺗﺒﻴﻌﻴﻨﻲ ﻭﺍﻧﺎ ﻡ ﻋﺒﺮﺗﻮ ﻭﻻ ﺭﺩﻳﺖ ﻋﻠﻴﻪ ﻭﺷﻜﻠﻮ ﺇﺗﻐﺎﻅ ﻃﻮﺍﻟﻲ ﻃﻔﻲ ﺍﻟﻨﻮﺭ ﻭﺑﻘﻴﻨﺎ ﻧﻀﺤﻚ ﻭﻗﻤﺖ ﻟﻴﻜﻢ ﻋﻠﻴﻪ ﻭﻛﻠﻌﺎﺩﺓ ﺍﻟﺤﺼﻞ ﺑﻌﺪﺍﻙ ﻡ ﺑﻬﻤﻜﻢ ﻛﺘﻴﻴﺮ .. ﻑ ﺍﻟﻴﻮﻡ ﺍﻟﺘﺎﻧﻲ ﺍﻟﻬﻮ ﺍﻟﺨﻤﻴﺲ ﻋﻤﺮ ﻣﺸﻲ ﺍﻟﺸﻐﻞ ﻻﻧﻮ ﺍﻟﻴﻮﻡ ﺍﻟﻔﺎﺕ ﻛﺎﻥ ﻣﻊ ﺍﺧﻮﺓ ﻭﺍﻟﺤﺴﺎﺑﺎﺕ ﻛﻠﻬﺎ ﻋﻨﺪﻭ .. ﻃﺒﻌﺂ ﺍﻧﺎ ﻳﻮﻣﻲ ﺑﻄﻠﻊ ﻣﻌﺎﻩ ﻟﺤﺪﻱ ﺑﺎﺏ ﺍﻟﺸﺎﺭﻉ ﻧﺸﺎﻏﻞ ﺑﻌﺾ ﻭﻧﻀﺤﻚ ﻫﻮﺑﻄﻠﻊ ﻭﺍﻧﺎ ﺑﺮﺟﻊ .. ﻳﻼ ﺑﻌﺪ ﻣﺸﻰ ﻭﺍﻧﺎ ﺭﺍﺟﻌﺔ ﻻﻗﻴﺖ ﻋﺜﻤﺎﻥ ﺟﻤﺐ ﺑﺎﺏ ﺍﻟﺼﺎﻟﻮﻥ ﻗﺎﻝ ﻟﻲ ﺍﻟﻠﻪ ﻟﻴﻨﺎ ﻧﺤﻨﺎ ﻻ ﺑﻨﻘﺪﻡ ﻭﻻ ﺑﻘﺪﻣﻮﻧﺎ !! ﺍﺑﺘﺴﻤﺖ ﺑﺨﺠﻞ ﻛﺪﺍ ﻭﻣﺸﻴﺖ ﺑﻴﺘﻲ ﻧﻀﻔﺘﻮ ﻭﻣﺸﻴﺖ ﺍﺳﺎﻋﺪ ﻋﺒﻴﺮ ﻑ ﺷﻐﻞ ﺍﻟﺒﻴﺖ ﻟﻘﻴﺘﻬﺎ ﺑﺘﺠﻬﺰ ﻑ ﺍﻟﻔﻄﻮﺭ ﻭﻭﺩﺗﻮ ﻻﺧﻮﻫﺎ ﻟﻘﺘﻮ ﺑﺮﻛﺐ ﻑ ﺷﺎﺷﺔ ﺟﺪﻳﺪﺓ ﻗﺎﻝ ﻟﻴﻪ ﺑﻌﺪ ﻳﺨﻠﺺ ﺑﻔﻄﺮ؛ﻃﺒﻌﺂ ﺟﺎﺏ ﻛﺒﺮﺓ ﺷﺎﺷﺎﺕ ﻋﺒﻴﺮ ﻗﺎﻟﺖ ﻟﻲ ﻭﺍﺣﺪﺓ ﻟﻠﺒﺮﻧﺪﺓ ﻭﺍﻟﺘﺎﻧﻴﺔ ﻟﻠﺼﺎﻟﻮﻥ ﻭﺑﺘﻜﺎﻭﻱ ﻓﻴﻨﻲ ﻭﺍﻧﺎ ﺑﺼﺤﻚ ﺳﺎﻱ ﻭﻻ ﻓﺎﺭﻕ ﻣﻌﺎﻱ ﻭﻗﻠﺖ ﻟﻴﻬﺎﺑﺤﻀﺮ ﻣﻌﺎﻙ ﻭﺟﻮﻭﻭﻩ ﻗﻠﺒﻚ ﻛﻤﺎﻥ .. ﻓﻄﺮﺕ ﻣﻌﺎﻫﺎ ﻻﻧﻮ ﻋﻤﺘﻲ ﻣﺸﺖ ﺍﻟﺴﻮﻕ ﺗﺸﺘﺮﻱ ﺣﺎﺟﺎﺕ ﻟﻠﻜﺮﺍﻣﺔ .. ﻭﻧﺤﻨﺎ ﻣﺒﺴﻮﻃﻴﻦ ﻭﺑﻨﻀﻚ ﺟﺎﻧﺎ ﻋﺜﻤﺎﻥ ﻗﻠﺖ ﻟﻴﻪ ﺍﺧﺖ ﻟﻴﻚ ﺍﻟﻔﻄﻮﺭ ﻗﺎﻝ ﻟﺴﻪ ﺑﺲ ﻋﺎﻳﺰﻙ ﺗﻌﺎﻟﻲ ﺍﻧﺎ ﺍﺗﻬﺠﻤﺖ ﺩﺍﻳﺮ ﻣﻨﻲ ﺷﻨﻮ !! ﻟﻢ ﻃﻠﻌﺖ ﻟﻴﻪ ﺑﺮﺍ ﻃﻠﺐ ﻣﻨﻲ ﺍﺳﻤﺢ ﻟﻴﻪ ﻳﺪﺧﻞ ﻏﺮﻓﺘﻲ ﻋﺸﺎﻥ ﺟﺎﺏ ﻟﻴﻨﺎ ﺷﺎﺷﺔ ﻭﻋﺎﻳﺰ ﻳﺮﻛﺒﻬﺎ ﻟﻴﻨﺎ ﻃﺒﻌﺂ ﺍﻧﺎ ﻓﺮﺣﺖ ﻓﺮﺡ ﻭﻗﻠﺖ ﻟﻴﻪ ﺷﻨﻮ ﺍﻟﺘﻌﺐ ﺩﺍ ﺭﺑﻨﺎ ﻳﻘﺪﺭﻧﺎ ﻉ ﺟﺰﺍﻙ ﻗﺎﻝ ﻟﻲ ﺍﻟﻌﻔﻮ ﺩﺍ ﺍﻟﻮﺍﺟﺐ .. ﻧﻄﺖ ﻋﺒﻴﺮ ﻗﺎﻟﺖ ﻟﻴﻪ ﻟﺸﻨﻮ ﺗﺪﻳﻬﻢ ﺍﻟﺸﺎﺷﺔ ﻭﻧﺤﻨﺎ ﻡ ﺍﺧﻮﺍﺗﻚ ﺑﺮﺿﻮ !! ﺿﺤﻚ ﻭﻗﺎﻝ ﻟﻴﻬﺎ ﺍﻧﺘﻲ ﺧﺘﻲ ﺍﻟﺘﻔﺰﻳﻮﻥ ﺍﻟﻘﺪﻳﻢ ﻑ ﻏﺮﻓﺘﻜﻢ ﻭﺍﻧﺎ ﺍﻟﺴﻔﺮﺓ ﺍﻟﺠﺎﻳﺔ ﺑﻮﻋﺪﻙ ﺍﺟﻴﺐ ﻟﻴﻜﻢ ﺷﺎﺷﺔ 45 ﺑﻮﺻﺔ .. ﺿﺤﻚﻧﺎ ﻛﻠﻨﺎ ﻭﻃﻠﻌﺖ ﻣﻌﺎﻩ ﺩﺧﻞ ﻏﺮﻓﺘﻲ ﺻﻞ ﻉ ﺍﻟﻨﺒﻲ ﻭﻗﺎﻝ ﻟﻲ ﻏﺮﻓﺘﻜﻢ ﺣﻠﻮﻩ ﻭﻣﺮﺗﺒﺔ ﺯﻱ ﺳﺘﻬﺎ ﺍﻧﺎ ﻏﻠﺒﻨﻲ ﺍﻟﺮﺩ ﻭﻣﻬﻤﻬﺖ ﻟﻴﻪ ﺍﻟﻜﻼﻡ ﻗﺎﻝ ﻟﻲ ﺍﻫﺎ ﺍﺭﻛﺒﻬﺎ ﻟﻴﻜﻢ ﻑ ﺍﻟﺤﻴﻄﺔ ﺍﻟﻤﻘﺎﺻﺪﺓ ﺍﻟﺴﺮﻳﺮ ﺑﻜﻮﻥ ﻣﻜﺎﻧﻬﺎ ﻣﻨﺎﺳﺐ ! ﻗﻠﺖ ﻟﻴﻪ ﺳﻮﻱ ﺍﻟﺒﺘﺸﻮﻓﻮ ﻣﻨﺎﺳﺐ ﻭﺑﺮﺍﺣﺔ ﺍﺗﺠﻬﺖ ﻉ ﺍﻟﺒﺎﺏ ﻭﻗﺒﻞ ﻡ ﺍﻃﻠﻊ ﻣﻦ ﺍﻟﻐﺮﻓﺔ ﻗﺎﻝ ﻟﻲ ﺍﻧﺘﻈﺮﻱ ﺩﻗﻴﻘﺔ !!
نواصل بعدين..
ليست هناك تعليقات:
إرسال تعليق