ﻟﻢ ﻭﺻﻠﺘﻬﻢ ﻡ ﻗﺪﺭﺕ ﺍﺗﻜﻠﻢ ﻭﺟﺎﺗﻨﻲ ﻛﺘﻤﺔ ﻡ ﻗﺪﺭﺕ ﺍﺗﻨﻔﺲ ﻭﺍﻟﻠﻪ ﻡ ﻓﻀﻞ ﺇﻻ ﺷﻮﻳﻴﻴﺔ ﻭﺍﺻﺪﻡ ! ؟ ﻫﻢ ﺍﻹﺗﻨﻴﻦ ﺑﻌﺎﻳﻨﻮ ﻟﻲ ﻋﺜﻤﺎﻥ ﻗﺎﻟﻲ ﺗﻘﺮﻳﺒﺂ ﺳﻤﻌﺘﻲ ﺍﻟﺤﻮﺍﺭ ﺍﻟﻴﻨﺎﺗﻨﺎ ﻭﺧﺼﻮﺻﻲ ﻛﻼﻡ ﻭﺩﻋﻤﻮ ﺍﺳﻤﻮ ﺍﺣﻤﺪ؛ﻃﺒﻌﺂ ﺩﺍﻙ ﺍﺗﻬﺠﻢ ﻭﻧﻄﻂ ﻋﻴﻮﻧﻮ .. ﻋﺜﻤﺎﻥ ﻋﺎﻳﻦ ﻟﻴﻪ ﻭﺍﺷﺮ ﺑﺄﺻﺒﻌﻮ ﻋﻠﻲ ﻭﺍﻧﺎ ﻣﺘﺠﻤﺪﺓ ﻑ ﻣﺤﻠﻲ ﻭﻗﺎﻝ ﺷﻔﺖ ﺍﻟﻮﺍﻗﻔﺔ ﻗﺪﺍﻣﻚ ﺩﻱ ﺍﺷﺮﻑ ﻣﻦ ﺍﺧﺘﻚ ﻭﻟﻮ ﻡ ﺑﺤﺘﺮﻡ ﻋﻤﻲ ﻭﺍﻣﻚ ﻛﻨﺖ ﺣﻤﺴﺢ ﺑﻴﻚ ﺍﻻﺭﺽ !! ﺇﻧﺘﻮ ﻣﺴﺘﻮﻋﺒﻴﻦ ﻣﻌﺎﻱ ﺍﻟﻜﻼﻡ ﺩﺍ ﻛﻠﻮ ﻭﺍﻧﺎ ﻭﺍﻗﻔﺔ ﻭﺧﻼﺹ ﻗﻠﺖ ﺍﻟﻠﻴﻠﻪ ﺣﺘﻘﻊ ﺭﻗﺒﺔ ﻭﺣﺘﺤﺼﻞ ﻓﻀﺤﻴﺔ ﺑﺴﺒﺒﻲ ﻭﺍﻭﻻﺩ ﺍﻟﻌﻢ ﺣﻴﺨﺴﺮﻭ ﺑﻌﺾ .. ﻃﺒﻌﺂ ﺍﺣﻤﺪ ﻗﺎﻡ ﻭﺍﺗﻨﻔﺾ ﻭﺟﺎﺕ ﻑ ﻋﺜﻤﺎﻥ ﻭﻗﺎﻝ ﻟﻴﻪ ﺗﻘﺎﺭﻥ ﺍﺧﺘﻲ ﺏ ﺩﻱ !! ﻭﻡ ﺑﻌﺮﻑ ﺷﻨﻮ ﻭﺻﻮﺗﻬﻢ ﻋﻼ ﺑﺲ ﺍﻟﺤﻤﺪﻟﻠﻪ ﺍﺑﻮﺍﺣﻤﺪ ﺍﺩﺧﻞ ﻭﻗﺮﺏ ﻳﻠﻄﺶ ﻭﻟﺪﻭ ﻛﻒ ﻧﺎﺩﺍﻫﻮ ﻭﻃﻠﻌﻮ ﻣﻊ ﺑﻌﺾ ﺍﻧﺎ ﻭﺍﻗﻔﺔ ﺯﻱ ﺍﻟﻄﺎﻗﺎﻧﻲ ﻛﻬﺮﺑﺎ ﺟﺴﻤﻲ ﻛﻠﻮ ﺑﻴﺮﺟﻒ .. ﻋﺜﻤﺎﻥ ﻣﺴﻜﻨﻲ ﻣﻦ ﻳﺪﻱ ﻭﻗﺎﻟﻲ ﺍﻗﻌﺪﻱ ﻫﻨﺎ ﺍﻧﺘﻲ ﺗﻌﺒﺎﻧﺔ ﻡ ﻗﺪﺭﺕ ﺍﺭﺩ ﻋﻠﻴﻪ ﻭﺩﻣﻮﻋﻲ ﻛﺎﺑﺔ ﺑﺲ ﻫﺰﻳﺖ ﻟﻴﻪ ﺭﺍﺳﻲ ﻭﻣﺸﻴﺖ ﺑﻴﺘﻲ .. ﺍﻧﺎ ﺑﻜﻴﺖ ﺑﻜﻲ ﻑ ﺍﻟﺪﻧﻴﺎ ﺩﻱ ﻣﻊ ﺍﻧﻮ ﻛﻼﻡ ﻋﺜﻤﺎﻥ ﺭﻳﺢ ﺣﻨﺎﻥ ﺣﻨﺎﻧﻲ ﺑﺲ ﺧﻠﻌﻨﻲ ﺍﻟﻜﻠﺐ ﺩﺍﻙ .. ﻗﻌﺪﺕ ﻗﺮﻳﺐ ﺳﺎﻋﺔ ﻭﻻ ﺍﻛﺘﺮ ﻡ ﻃﻠﻌﺖ ﻋﻠﻲ ﻧﺎﺱ ﻋﻤﺘﻲ ﺟﺎﺗﻨﻲ ﻋﺒﻴﺮ ﻟﻘﺖ ﺍﻟﻮﺵ ﻭﺭﻣﺎﻥ ﻭﺣﺎﻟﺘﻲ ﺑﺎﻟﺒﻼﺀ ﺍﺗﻬﺠﻤﺖ ﻗﻌﺪﺕ ﺟﻤﺒﻲ ﻑ ﺍﻟﺴﺮﻳﺮ ﻭﺳﺄﻟﺘﻨﻲ ﻋﻦ ﺍﻟﺤﺎﺻﻞ ﻣﻌﺎﻱ .. ﺣﻜﻴﺖ ﻟﻴﻬﺎ ﺍﻟﺤﺼﻞ ﻛﻠﻮ ﺣﻀﻨﺘﻨﻲ ﻭﻗﺎﻟﺖ ﻟﻲ ﻡ ﺗﺰﻋﻠﻲ ﺍﺻﻶ ﺍﺣﻤﺪ ﻣﻌﺮﻭﻑ ﺗﺎﻓﺔ ﺑﺲ ﻗﺎﻟﺖ ﻟﻲ ﻡ ﺍﻭﺭﻱ ﻋﻤﺮ ﺍﺣﻤﻖ ﻭﻣﺘﻬﻮﺭ ﺍﺣﺘﻤﺎﻝ ﻳﻜﺒﺮ ﺍﻟﻤﻮﺿﻮﻉ ﺧﺒﺘﻬﺎ ﻑ ﻛﺘﻔﻬﺎ ﻭﻗﻠﺖ ﻟﻴﻬﺎ ﺍﻧﺘﻲ ﺑﺘﻌﺮﻓﻲ ﺭﺍﺟﻠﻲ ﺍﻛﺘﺮ ﻣﻨﻲ ﻭﻻ ﻗﺎﻳﻼﻧﻲ ﻏﺒﻴﺔ ﺯﻳﻚ ﻭﺍﻟﻠﻪ ﺍﻟﺒﺖ ﺩﻱ ﺿﺤﻜﺖ ﺿﺤﻚ ﻭﻗﺎﻟﺖ ﻟﻲ ﺍﻱ ﺇﻧﺘﻲ ﻡ ﺑﺘﻌﺮﻓﻴﻬﻮ ﻗﺒﺎﻟﻲ ﻭﺍﺗﺮﺑﻴﺘﻲ ﻣﻌﺎﻩ ﺿﺤﻜﻨﺎ ﺳﻮﺍ ﻭﻃﻠﻌﺖ ﺗﺎﻧﻲ ﺟﺎﺕ ﺭﺍﺟﻌﺔ ﻗﺎﻟﺖ ﻟﻲ ﻧﺴﻴﺘﻴﻨﻲ ﻋﻤﺎﺗﻲ ﻣﺎﺷﻴﻦ ﻗﺎﻟﻮ ﻋﺎﻳﺰﻳﻦ ﻳﺴﻠﻤﻮ ﻋﻠﻴﻚ ﺑﺲ ﺑﻘﻮﻝ ﻟﻴﻬﻢ ﻣﺼﺪﻋﺔ ﻭﺍﺧﺪﺕ ﻟﻴﻬﺎ ﻧﻮﻣﺔ .. ﻗﻠﺖ ﻟﻴﻬﺎ ﻻﻻ ﻳﺎﺥ ﺑﺠﻲ ﺍﺹﻵ ﺍﻧﺎ ﻟﻢ ﺑﻜﻮﻥ ﺑﺎﻛﻴﺔ ﺑﺒﻘﻰ ﺍﺣﻼ ﻭﺗﺎﻧﻲ ﺿﺤﻜﻨﺎ .. ﻗﻤﺖ ﻏﺴﻠﺖ ﻭﺷﻲﺀ ﻭﻇﺒﻄﺔ ﻣﻜﻴﺎﺟﻲ ﻭﻃﻠﻌﺖ ﻭﺩﻋﺘﻬﻢ ﻛﻠﻬﻢ ﻭﻋﻤﺔ ﻋﻤﺮ ﻗﺎﻟﺖ ﻟﻲ ﺇﻥ ﺷﺎﺀﺍﻟﻠﻪ ﻋﻘﺒﺎﻝ ﻡ ﻧﺠﻲ ﻧﺒﺎﺭﻙ ﻟﻴﻚ ﺍﻟﺘﻴﻤﺎﻥ ﺍﻧﺎ ﺍﺗﺒﺴﻤﺖ .. ﻭﻃﻠﻌﺖ ﻣﻌﺎﻫﻢ ﻉ ﺑﺎﺏ ﺍﻟﺸﺎﺭﻉ ﻛﺎﻧﻮ ﺍﺧﺮ ﻧﺎﺱ ﻃﺎﻟﻌﻴﻦ ﻡ ﻓﻀﻞ ﺇﻻ ﺟﺎﺭﺗﻨﺎ ﻭﺻﺤﺒﺔ ﻋﻤﺘﻲ .. ﻭﺍﻧﺎ ﺭﺍﺟﻌﺔ ﻋﻤﺮ ﻧﺎﺩﺍﻧﻲ ﺍﺩﺍﻧﻲ ﻛﺒﺎﻳﺎﺕ ﺷﺎﻱ ﻛﺎﻧﻮ ﻑ ﺍﻟﺼﺎﻟﻮﻥ ﻟﻢ ﺷﻠﺘﻬﻢ ﻣﻨﻮ ﻗﺎﻝ ﻟﻲ ﻣﺎﻟﻚ ﻡ ﻗﻠﺘﻲ ﺍﻣﻴﻴﻴﻦ ﻟﻌﻤﺘﻲ ! ﺍﺑﺘﺴﻤﺖ ﻭﻣﺸﺸﻴﺖ ﺧﻠﻴﺘﻮ ﻭﺍﻗﻒ ﺑﻌﺎﻳﻦ ﻟﻲ .. ﺭﺗﺒﺖ ﻣﻊ ﻧﺎﺱ ﻋﻼ ﺍﻟﺒﻴﺖ ﻭﺭﺟﻌﻨﺎ ﺍﻟﻌﺪﺓ ﺍﻟﻤﺨﺰﻥ ﻭﺑﺎﻟﺠﺪ ﻛﻨﺖ ﺗﻌﺒﺎﻧﺔ ﺗﻌﺐ ﻣﻦ ﺧﻠﺼﻨﺎ ﺣﻤﺎﻡ ﻡ ﺍﺳﺘﺤﻤﻴﺖ ﻣﺸﻴﺖ ﺑﻴﺘﻲ ﻋﺸﺎﻥ ﺍﻧﻮﻡ ﻋﻤﺮ ﺍﺗﻌﺎﺑﻂ ﻓﻴﻨﻲ ﺷﺪﻳﻴﺪ ﺑﺲ ﻡ ﺍﺷﺘﻐﻠﺖ ﺑﻪ ﻭﻗﻠﺖ ﻟﻴﻪ ﻧﻌﺴﺎﺍﺍﺍﻧﺔ ﻳﺎﺑﺸﺮ ﻑ ﺍﻟﻨﻬﺎﻳﺔ ﺍﻗﺘﻨﻊ ﻭﺧﻼﻧﻲ ﺍﻧﻮﻡ ﺑﺲ ﺑﺮﺿﻮ ﻛﺎﻥ ﺣﺮﻛﺎﻥ ﻭﻡ ﻗﺎﺩﺭ ﻳﺴﻴﻄﺮ ﻉ ﻳﺪﻳﻨﻮ ﻭﺯﻫﺠﺖ ﻣﻨﻮ ﺑﺲ ﻧﻤﺖ ﻭﺗﺎﻧﻲ ﻡ ﺣﺴﻴﺖ ﺑﺸﻲﺀ .. ﻑ ﺍﻟﻴﻮﻡ ﺍﻟﺘﺎﻧﻲ ﻗﻤﺖ ﻓﺘﺮﺍﻧﺔ ﻓﺘﺮ ﺍﺗﻘﻮﻝ ﻡ ﻧﻤﺖ ﻭﻳﻼ ﻳﻼ ﺣﺘﻰ ﻗﻤﺖ ﻣﻦ ﺳﺮﻳﺮﻱ .. ﻟﻘﻴﺖ ﻋﻤﺮ ﻣﺎﻑ ﻡ ﺑﻌﺮﻓﻮ ﻣﺸﻲ ﻭﻳﻦ ﺍﺧﺪﺕ ﻟﻲ ﺣﻤﻴﻤﺔ ﻭﻣﺸﻴﺖ ﻉ ﻋﻤﺘﻮ ﻛﻠﻬﻢ ﺑﻘﻮ ﻳﻘﻮﻟﻮ ﻟﻲ ﺍﻧﺘﻲ ﻋﻴﺎﻧﺔ ! ؟ ﻳﺎﺥ ﺍﻧﺎ ﺯﺍﺗﻲ ﺣﺎﺳﺔ ﺑﻨﻔﺴﻲ ﻡ ﻃﺒﻴﻌﻴﺔ ﺟﺎ ﻋﺜﻤﺎﻥ ﺧﺎﺷﻲ ﻗﺎﻝ ﺑﻜﻮﻥ ﺳﺤﺮﻭﻫﺎ ﺍﻧﺎ ﺿﺤﻜﺖ ﻭﻗﻠﺖ ﻟﻴﻪ ﺑﻌﻔﻮﻳﺔ ﻛﺪﺍ ﺇﻻ ﻛﺎﻥ ﺳﺤﺮﺗﻨﻲ ﺇﻧﺖ ﻋﺎﻳﻦ ﻟﻲ ﻛﺪﺍﺍﺍ ﻭﻫﻮ ﻣﺴﺤﺐ ﻋﻮﻳﻨﺎﺗﻮ ﻭﺑﺘﺒﺴﻢ ﻗﺎﻝ ﻟﻲ ﺍﺣﺘﻤﺎﻝ ﻻﻧﻲ ﺷﻔﺘﻚ ﻛﺘﻴﻴﻴﺮ ﻭﻛﻨﺘﻲ ﺑﺘﺴﻮﻱ ﻛﺪﺍﺍ ﻃﻠﻊ ﻭﺍﻧﺎ ﻡ ﻓﻬﻤﺖ ﺷﻲﺀ ﻋﺎﻳﻨﺖ ﻟﻌﺒﻴﺮ ﻟﻘﻴﺘﺎ ﻣﺎﺳﻜﺔ ﺗﻠﻔﻮﻧﻬﺎ ﻭﺑﺘﻀﺤﻚ ﺑﺮﺍﻫﺎ .. ﻣﻠﻴﺖ ﻣﻦ ﺍﻟﻘﻌﺪﺓ ﻭﺑﻴﺘﻲ ﻡ ﻧﻀﻔﺘﻮ ﻭﺭﺍﺟﻠﻲ ﻣﻘﻴﻞ ﻡ ﻋﻨﺪﻭ ﺷﻐﻞ ﻭﺍﻧﺎ ﻣﺤﻠﻮ ﻡ ﻋﺎﺭﻓﻪ ﻳﺎﺧﻲ ﺍﻣﻮﺭﻱ ﺟﺎﻳﻄﺔ؛؛ﺍﻟﻤﻬﻢ ﻭﺍﻧﺎ ﺭﺍﺟﻌﺔ ﻋﺜﻤﺎﻥ ﻗﺎﻟﻲ ﺇﻧﺘﻲ ﻟﺴﻪ ﺯﻋﻼﻧﺔ ﻣﻦ ﺍﻟﻤﻮﻗﻒ ﺍﻻﻣﺲ ﻭﻻ ﺍﻟﺤﺎﺻﻞ ﻋﻠﻴﻚ ﺷﻦ ! ؟ﻭ ﻗﻠﺖ ﻟﻴﻪ ﺍﺑﺪﺁ ﻭﺍﻟﻠﻪ ﺑﺲ ﺣﺎﺳﺔ ﺑﺰﻫﺞ ﻛﺪﺍ ﻭﻓﺘﻮﺭ ﻡ ﺍﻛﺘﺮ ﻭﻻ ﺍﻧﺘﻈﺮﺗﻮ ﻳﺮﺩ ﻋﻠﻲ ﻃﻮﺍﻟﻲ ﻣﺸﻴﺖ ﺑﻴﺘﻲ ﻟﻘﻴﺖ ﻋﻤﺮ ﻗﺎﺍﺍﺍﻋﺪ ﻋﺎﻳﻨﺖ ﻟﻴﻪ ﺑﺈﺳﺘﻐﺮﺍﺏ ﻛﺪﺍ ﻭﻗﻠﺖ ﻟﻴﻪ ﻣﺸﻴﺖ ﻭﻳﻦ ﻭﺟﻴﺖ ﻣﺘﻴﻦ ﻡ ﺭﺩ ﻋﻠﻲ ﻭﻣﺪﺍ ﻟﻲ ﻳﺪﻭ ﻧﻈﺎﻡ ﺗﻌﺎﻟﻲ ﺗﻌﺎﻟﻲ ﻓﻊﻵ ﺟﻴﺘﻮ ﻑ ﺍﻟﻜﻨﺒﺔ ﻭﻗﻌﺪﺕ ﻑ ﺭﺟﻠﻴﻨﻮ ﻭﺍﺗﻮﻧﺴﻨﺎ ﺷﻮﻳﺔ ﻛﺪﺍ ﻭﺍﻟﺒﺎﻗﻲ ﺗﻤﻮﻩ ﺧﻴﺎﻝ .. ﺳﺎﻋﺔ ﻡ ﺗﻤﻴﻨﺎﻫﺎ ﺟﺎﺕ ﻋﺒﻴﺮ ﺩﻗﺖ ﺍﻟﺒﺎﺏ ﻭﻗﺎﻟﺖ ﻋﺜﻤﺎﻥ ﻋﺎﻳﺰﻛﻢ ﻓﻊﻵ ﻣﺸﻴﻨﺎ ﻭﻗﺎﻝ ﻟﻴﻨﺎ ﺍﻣﺸﻮ ﺍﺟﻬﺰﻭ ﻃﺎﻟﻌﻴﻦ ﺍﻧﺎ ﻭﺍﻟﻠﻪ ﻡ ﻋﻨﺪﻱ ﻧﻔﺲ ﻻﻱ ﻃﻠﻌﺔ ﻭﺭﻓﻀﺖ ﺑﺲ ﺍﺻﺮ ﻋﻠﻴﻨﺎ ﻭﺷﺎﻳﻔﺔ ﻋﻤﺮ ﻣﺘﺤﻤﺲ ﻟﻠﻤﺸﻲ ﻻﻧﻮ ﻟﻴﻨﺎ ﺍﺳﺒﻮﻉ ﻡ ﻃﻠﻌﻨﺎ ﻣﺸﻮﺍﺭ ﻑ ﺍﻟﻨﻬﺎﻳﺔ ﻭﺍﻓﻘﺖ ﺑﺲ ﺻﺪﻗﻮﻧﻲ ﻡ ﻛﻨﺖ ﺣﺎﺑﺔ ﺍﻣﺸﻲ .. ﺧﻠﻴﺘﻬﻢ ﻓﻄﺮﻭ ﻣﻊ ﺑﻌﺾ ﺑﺲ ﺍﻧﺎ ﺍﺑﻴﺖ ﻡ ﻛﺎﻥ ﻋﻨﺪﻱ ﻧﻔﺲ ﻣﺸﻴﺖ ﻟﺒﺴﺖ ﻓﺴﺘﺎﻥ ﻇﺮﻳﻒ ﻛﺪﺍ ﻭﺷﻮﻳﺔ ﻣﻜﻴﺎﺝ ﺧﻔﻴﻒ ﻭﺟﻬﺰﺕ ﻟﺤﺒﻴﺒﻲ ﻣﻼﺑﺴﻮ ﻭﻃﻠﻌﻨﺎ ﻛﻠﻨﺎ .. ﺑﻌﺮﺑﻴﺔ ﻋﺜﻤﺎﻥ ﺑﺲ ﺗﻘﺮﻳﺒﺂ ﻡ ﺣﻘﺘﻮ ﺍﻓﺮﺍﺝ ﻣﺆﻗﺖ ﻭﻻ ﺍﺳﻤﻮ ﺷﻨﻮ ﻡ ﻋﺎﺭﻓﺔ .. ﻃﺒﻌﺂ ﻡ ﺧﻠﻴﻨﺎ ﻣﺤﻞ ﻡ ﻣﺸﻴﻨﺎ ﻟﻴﻪ .. ﻳﻼ ﺍﻧﺎ ﻋﻨﺪﻱ ﻋﻘﺪﺓ ﻡ ﺍﻻﺳﺎﻧﺼﻴﺮ ﺑﻄﻠﻊ ﻋﺎﺩﻱ ﺯﻱ ﺍﻟﻢ ﺣﺼﻞ ﺷﻲﺀ ﺑﺲ ﻑ ﺍﻟﻨﺰﻟﺔ ﺑﺘﺒﺸﺘﻦ ﺑﺸﺘﻨﺔ ﻋﺠﻴﺒﺔ ﺑﺤﺲ ﻛﺎﻧﻮ ﺍﻟﺠﺎﺯﺑﻴﺔ ﺯﺍﻳﺪﺓ ﻭﻻ ﺭﺟﻠﻴﻨﻲ ﺑﻴﻐﻄﺴﻦ ﻑ ﻭﺣﻞ ﻭﺍﻟﻌﺠﺐ ﻟﻢ ﻧﺰﻟﻨﺎ ﻣﻨﻮ ﻋﺒﻴﺮ ﻭﻋﻼ ﺿﺤﻜﻮ ﻓﻴﻨﻲ ﺿﺤﻚ ﺍﻧﺎ ﻣﺎﺷﺔ ﻭﻣﺎﺳﻜﺔ ﻑ ﻋﻤﺮ ﻳﺎﺥ ﺣﺎﺳﺔ ﺑﺮﺟﻠﻴﻨﻲ ﻟﺴﺔ ﻑ ﺣﺎﺟﺔ ﺟﺎﺭﺍﻫﻢ ﻟﺘﺤﺖ ﻭﻋﺜﻤﺎﻥ ﻳﺪﺍﺭﻱ ﻑ ﻭﺷﻮ ﻣﻦ ﺍﻟﻀﺤﻚ .. ﺍﻟﻤﻬﻢ ﻣﺸﻴﻨﺎ ﺗﻮﺗﻲ ﻭﺍﺟﺮﻭ ﻟﻴﻨﺎ ﻻﻧﺶ ﺧﺎﺹ ﺑﺠﺪ ﻛﺎﻧﺖ ﻟﺤﻈﺎﺕ ﻡ ﺑﺘﺘﻌﻮﺽ ﻭﻻ ﺑﺘﺘﻨﺴﻲ ﻟﻌﺒﻨﺎ ﻭﺍﺗﻮﻧﺴﻨﺎ ﻭﻫﺰﺭﻧﺎ ﻭﺍﺗﺮﻭﻣﺴﻨﺎ ﻣﻦ ﺍﻟﺮﻭﻣﺎﻧﺴﻴﺔ !! ﻭﺍﺗﺼﻮﺭﻧﺎ ﻭﺍﺧﺮ ﻳﻮﻣﻨﺎ ﻣﺸﻴﻨﺎ ﻣﻄﻌﻢ ﻛﺪﺍ ﻓﺎﺧﺮ ﻣﺎﻑ ﺩﺍﻋﻲ ﻟﺰﻛﺮ ﺍﺳﻤﻮ ﺍﺗﻐﺪﻳﻨﺎ ﻭﺑﻘﻴﻨﺎ ﻧﺪﺭﺩﺵ ﻋﺜﻤﺎﻥ ﻗﺎﻝ ﻟﻲ ﺑﺎﻟﻤﻨﺎﺳﺒﺔ ﻣﻦ ﺍﻟﻤﻔﺘﺮﺽ ﻛﺎﻥ ﺗﺘﺰﻭﺟﻴﻨﻲ ﺍﻧﺎ !! ﻛﻠﻨﺎ ﺍﺗﺨﻠﻌﻨﺎ ﺣﺘﻰ ﻋﻤﺮ .. ﻋﺜﻤﺎﻥ ﺿﺤﻚ ﻭﻗﺎﻝ ﻟﻴﻪ ﺗﺘﺰﻛﺮ ﻟﻢ ﺍﺗﺼﻠﺖ ﻋﻠﻴﻚ ﻭﻗﻠﺖ ﻟﻴﻚ ﺍﻧﺎ ﻋﺎﻳﺰ ﻋﺮﻭﺱ .. ﻗﺎﻃﻌﻮ ﻋﻤﺮ ﻭﺿﺤﻚ ﻗﺎﻝ ﻟﻴﻪ ﺍﺍﺍﻱ ﺍﺗﺰﻛﺮﺕ ﺍﻧﺎ ﺍﺗﺨﻠﻌﺖ ﻭﻗﻠﺖ ﻟﻴﻬﻢ ﻓﻬﻤﻮﻧﻲ ﺣﺎﺟﺔ ﻋﻤﺮ ﻗﺎﻟﻲ ﻟﻢ ﺷﻔﺘﻚ ﻑ ﺍﻟﻌﺮﺱ ﺣﻖ ﺻﺎﺣﺒﻲ ﻭﺭﻳﺖ ﻋﺜﻤﺎﻥ ﻑ ﺍﻟﻮﺍﺗﺲ ﺇﻧﻮ ﻟﻘﻴﺖ ﻟﻴﻪ ﻋﺮﻭﺱ ﺑﺲ ﺷﺎﺋﺖ ﺍﻻﻗﺪﺍﺭ ﻭﺣﺒﻴﺘﻚ ﺍﻧﺎ ... ﺿﺤﻜﻨﺎ ﻭﺍﻟﻤﻮﺿﻮﻉ ﻣﺸﻲ ﻋﺎﺩﻱ ﺑﺲ ﻋﺜﻤﺎﻥ ﺑﻌﺎﻳﻦ ﻟﻲ ﺑﻄﺮﻳﻘﺔ ﻏﺮﻳﺒﺔ ﻭﻛﻞ ﻡ ﻋﻴﻨﻲ ﺗﺠﻲ ﻋﻠﻴﻪ ﺑﻠﻘﺎﻩ ﺑﻌﺎﻳﻦ ﻟﻲ ﻗﻠﺖ ﻟﻌﻤﺮ ﺧﻼﺹ ﻧﺮﺟﻊ ﺍﻟﺒﻴﺖ ﺍﺧﻮﺍﺗﻮ ﻗﺎﻟﻦ ﻧﻘﻌﺪ ﺷﻮﻳﺔ ﺑﺲ ﻋﺜﻤﺎﻥ ﻗﺎﻟﻲ ﻟﻮ ﺗﻌﺒﺘﻲ ﻭﻻ ﻡ ﺣﺎﺑﺔ ﺗﻘﻌﺪﻱ ﻣﻤﻜﻦ ﻧﺮﺟﻊ ﻋﻤﺮ ﻗﺎﻝ ﺧﻼﺹ ﻧﺸﺮﺏ ﺍﻟﻌﺼﻴﺮ ﻭﻧﻤﺶ ﻭﻧﺤﻨﺎ ﺑﻨﺸﺮﺏ ﺟﺎﺕ ﺑﺖ ﻣﺎﺭﻩ ﺟﻤﺒﻨﺎ ﺑﺖ ﻛﺴﺎﺭﺓ ﻗﺮﺿﺔ ﻋﺪﻳﻞ ﻋﺜﻤﺎﻥ ﻗﺎﻝ ﻋﻤﺮ ﻋﻤﺮ ﺷﻮﻑ ﺍﻟﺒﺖ ﺩﻱ ﺑﺘﺸﺒﻪ ﻣﻨﻮ ﻋﻤﺮ ﺍﺗﻠﻔﺖ ﻭﺍﺗﺼﺪﻡ ﻭﻏﻴﺮ ﺍﻟﻤﻮﺿﻮﻉ ﻡ ﺭﺩﺍ ﺍﻧﺎ ﺍﻟﺸﻤﺎﺭ ﺣﺮﻗﻨﻲ ﻗﻠﺖ ﻟﻴﻪ ﺑﺘﺸﺒﻪ ﻣﻨﻮ ﻋﻤﺮ ﻗﺎﻟﻲ ﻭﺍﺣﺪﺓ ﻛﺎﻧﺖ ﺯﻣﻴﻠﺘﻲ ﻑ ﺍﻟﺠﺎﻣﻌﺔ ﻡ ﺗﺸﻐﻠﻲ ﺑﺎﻟﻚ .. ﻋﺜﻤﺎﻥ ﻗﺎﻝ ﻟﻴﻪ ﺯﻣﻴﻠﺘﻚ ﻭﺑﺴﺲ ﺇﻧﺖ ﻡ ﻭﺭﻳﺘﻬﺎ ﻭﻻ ﺷﻨﻮ؟ ! ﺍﻧﺎ ﺍﺗﻬﺮﻃﺎ ﻭﻗﻤﺖ ﻉ ﺣﻴﻠﻲ ﻭﻗﻠﺖ ﻝ ﻋﻤﺮ ﻗﺼﺔ ﺍﻟﺒﺖ ﺷﻨﻮ ﺍﻻﻧﺎ ﻡ ﻋﺎﺭﻓﺎﻫﺎ !!
ﻳﺘﺒﻊ ..
ليست هناك تعليقات:
إرسال تعليق