#اخو_راجلي10¥
يلا عشان تشوفوه خسيس كيف..م خاق من امو ولا اتخلع!! انا ف اللحظة ديك قلت خلاص عمتي نظرتها لي حتتغير بس هو لحدي م امو جات جمبنا فضل ماسك يدي وقال لي انتي وعمر اخواني الصغار طولو بالكم واتحملو لبعض وهز يدي شديد وقالي ابشري اخوك واقف معاك ولو احتجتي اي شيء ولا استشارة انا موجود..فك يدي وصبح ع امو ومشى معاها ع المطيخ خلوني واقفة مصدومة ولا قادرة اضحك ولا قادرة ابكي بالجد عثمان دا اخبث منو ماف..مشيت بيتي وقلت لازم احسم الموضوع دا براي قبل م يتطور ويخرب بيتي!! مشيت لعمتي لاحظت اني مهمومة قعدت جمبي ف السرير وقالت لي لو بتعتبريني زي امك وريني مالك!! عمر ولدي مشاكلك..ضحكت وقلت ليها عمر اخر زول ممكن يزعلني قالت طيب مالك؟! قربت اوريها بس خفت م تصدقني ولا تحصل مشكلة فمسكت لساني..وقلت ليها حاسة بضيق وقلق وخوف ي عمتي..قالت اتحصني وربنا يفرج همك ويزيح غمك ودعوات حلوات لمن اتكيفت..عبير قالت ليها انا م بتدعي لي كدا م بعرف الشينة دي عملت ليكم شنو ضحكنا وامها قالت ليها قطع لسانك ستك ي بايرة وانا شغلتها ليها م فضل إلا تضربني..ونحنا بنضحك واصواتنا فوق جا عثمان وعامر إنضمو لينا..م قمت بس عمتي لاحظت اني اتغيرت وسكت بعد م جو قعدو معانا.. اتفقو انو لو ريال مدريد فاز حنمشي شارع النيل نغير جو طبعا علا وعبير قاعدين ع الهبشة جنهم مشي بس انا ابيت قلت ليهم تعبانة م بقدر امشي معاكم فعﻵ عمر جا بدري عشان يحضر الكورة وخسرو المبارة بس برضو قالو ماشين فكرت قلت امشي ولو لقيت طريقة احكي مع عثمان ف طريقة تعاملو وكلامو معاي..وفعﻵ اتوكلت ومشينا ب شاي وقهوة وكيك وفرشة الاولاد كانو بيلعبو كتشينة ونحنا بنتونس..تاني زهجتا قمت اتمشيت انا وعلا كان ف ناس عاملين حفله واختكم تحب الجبجبة والهجيج م رقصنا بس فضلنا نعاين..انضم لينا عثمان وعبير لاني عايزه احكي مع عثمان رسلت عبير وعلا يشترو لينا تسالي وفول من مرا م بعيدة مننا..وكأنو عثمان فهم حركتي بقينا ماشين انا وهو برانا..قلت ليه عايزه اقول ليك حاجة وبتمني تفهمني انا ملاحظة لحركاتك البتسويها معاي وفاهمة انت بتفكر ف شنو بس بم انك اخو راجلي من المفترض تفهم وتقتنع انك اخوي وتستبعد اي افكار تانية لانو الواطا مضلمة شوية م قدرت افسر ملامح وشو بس وقف من المشي وقالي بما انك فتحتي الموضوع اختصرتي علي الطريق..انا م كنت متصور ف يوم اني اميل لزوجة اخوي ولا اي واحدة متزوجة بس انتي غير ورغبتي فيك حقيقية م شهوة وبس..انتي سيطرتي ع تفكيري انا م بنوم إلا ع صورتك ونص الليل بصحي عشان اشوفها ولازم احصل عليك شئتي ام ابيتي..انا انفعت وقلت ليه بس انا مرت اخوك كيف تتصرف معاه كدا وانت عارف هو بحترمك قدر شنو!! وقبل م يرد علي جات علا قالت لي خير مالك منفعلة كدا..م رديت عليها ومشيت! قعدو يتونسو انا بس جسمي معاهم عقلي بفكر ف البلوة دي اتحل منها كيف..رجعنا البيت وكأني م معاهم اليوم التاني قمت عيانة عديل وراجلي م قدرت اطلع معاه ع الباب!اصر انو م يمشي الشغل بش انا رفضت واقنعتو بانو يمشي..يلا من مشي شوفو الاستفراق والهبوط وانا جسمي م شايلني..جاني عثمان قالي البسي اوديك المستشفي ولا اجي اساعدك..حمرت ليه وانا عيوني م قادرة ارفعها طوالي طلع قبل م ارد عليه..عمتي حنستني عشان يودوني بس انا قلت ليها لبعدين لو م بقيت كويسة بمش..صدقوني حاسة بنفسي عايزه اموت بس م عايزه عثمان يوديني المستشفي..عبير جابت عصير بس انا شلت منو بقة واحدة رجعتو م عارفة روحي اتسممت ولا خشتني خوفة..وهي قاعدة معاي ف غرفتي جا عثمان قال ليها لو فضل عصير جيبي لي وقعد ف الكنبة اختو مشت..تخيلو قالي شنو! لو طلعتي حامل انا بموت..امس م قدرت ارد عليك بس خليك عارفة اني م بخليك وحفضل وراك وم حقتل اخوي عشان تكوني لي بس حسوي البقدر عليه وزيادة عشان احصل عليك..انا بكيت وقلت ليه انت مريض وانا حكلم عمر وحتى لو عمر حصل ليه شيء لاسمح الله انا مستحيل اكون ليك ولاتحلم بانو دا ممكن يحصل..قام ع حيلو وقال لي برضو م بخليك!! اختو خات داخلة قالت ليه م بتخليها ف شنو!! قال ليها لو م شربت العصير وطلع..وانا فكيت ف البكي وبلعن ف اليوم العرفني بيهو..قبل م افتح خشمي علا قالت لي انتي عثمان مالو معاك؟انا ف اللحظة ديك انفجرت بالبكى وع فتحت خشمي عشان احكي ليها جا عمر خاشي..
يتبع..
ليست هناك تعليقات:
إرسال تعليق