عمر لم شافني اتخلع وجاط ف علا م فضل إلا يدقها لشنو م وديتوها المستشفي وم دام تعبانة ليه م اتصلتو علي،ولو م جيت بدري كان حصل عليها شنو..وانا بقول ليه هم م عندهم ذنب انا رفضتا امشي وعمتي وعثمان جو داخلين؛عثمان قال ليه م فضل إلا نبوس ليها رجلينها عشان توافق بس مرتك عنيدة وراسها قوي..حمرت ليه بقي يتبسم..عمتي قالت لعلا تطلع لي توب عشان امش انا قلت ليها اديني عباية التوب..فعﻵ ودوني مصتوصف وعملت الفحوصات وطوالي ركبو لي درب!! ياخ الدكاترة ديل كضابين نعقوله ف خلال يومين بس يجيني التهاب ف الدم وإلتهابات ف البول وشنو م عارفة ياخ علاج الصيدلية كلو شلنا..بعداك شوفو الدلع عمر اخد اجازة من الشغل وعمتي الله يرضي عليها دنيا واخرة م قصرت معاي..والله كلهم م بقدر اوفيهم حقهم..الحاجة البسطتني إني ارتحت من كلام عثمان وتصرفاتو بس صدقوني كان بيتحرش بي بنظراتو الخبيثة ديك..وعمتي لاحظت اهتمام عثمان الزايد اعملو ليها عصير اكلي كويس اخدي حبوبك ياخ كانو راجلي...طوالي عمتي خارجتو قالت ليه انا زعلانة منك جيت ليك شهر م بتمش تزور حبوبتك ولاتسلم عليها!! قال ليها والله بس كنت مشغول لكن حمشي ليها..رفضت وقالت ليه اسسه تمش اقعد معاها اسبوع وتسلم ع ناس البلد..اتضايق بس رغم انو واطي وقليل ادب بس كلمة امو نهائية وم بكسرها...انا قربت ازغرت من الفرح لمن شلت نفسي وقلت خلاص اموري ماشة تظبط.. ياجماعة بصراحة انا المعاملة العاملني ليها عمر ف بيت اهلي م لقيتها شيء طبيعي اني امرض وصاح اهلي بودوني المستشفي وبتعبو معاي بس انا لم اكون مقلقة والنوم م بجيني ومحمومة راجلي بساهر معاي للصباح!! والله الاتنين م بنوم التعب ف عيونو بس م بسمع كلامي وفضل مساهر معاي؛ يلا لاني راقدة ف غرفتي وناس عمتي بجوني عمر بمشي الفترة الصباحية ينوم ف الصالون شان م ظريفة يلقوه نايم جمبي..جاني عثمان لقاني بتمسح قالي ماشاءالله رجلين ولا مراية عاكسة!! اتغطيت والكريم ف يدي قشيتو ف الملاية عشان م اتم مسوحي قدامو..قلت ليه عايز شنو؟! قالي انا ماش بس حجي قريب..وصدقيني حشتاق ليك؛قلت ليه مشية م منها رجعة ان شاءالله ضحك وقالي اكتر حاجة بحبها فيك عنادك دا..عبير جات تشيل الكبايات والمواعين الوسخانة هو طلع..من مشى انا قمت وحسيت بنفسي شميت رحية العافية..والله اليوم المشي فيهو دا امبسطنا كيف اتونسنا وهزرنا وعامر رقص لينا راب ونحنا نضحك قلت ل عمر غني لينا كلهم ضحكو لانو صوتو شييين رفض بس انا اصريت عليه طبعآ ي جماعة وبدون مبالغة انا بلت ف هدومي من الضحك والله كنت اسعد واحدة..ومبسوطة بلمة الناس الحبهم حوليني..اصبحنا اليوم التاني القي ليك عمر نايم..صحيتو وقلت ليه ناسي انو عندك شغل ولا قعاد البيت عجبك!! حضني عليه وقالي مليتي بالسرعة مني!؟ ضحكت وقلت ليه بطل قله ادب وقوم ع شغلك ياخ دا اخد اجازه الاربع والخميس واكيد الجمعة والسبت اجازه يعني قاعد معاي رابعة يوم وم قصر معاي بس برضو شغلو مهم والحسابات كلها عندو..قلت ليه م تنسي عمل اعتمد عليك لازم تخلص ف شغلك..خبتني بالمخدة وقالي بطلي طلسك دا انا زاتي م قاعد ليك ومشي ع الحمام خلاني بضحك..بعد مشي الشغل طلعت ع ناس عمتي وخشيت المطبخ عمتي نهرتني اطلعي سريع وحات ربي م بتمسكي حاجة ضحكت وقلت ليها بس انا بقيت كويسة ولا اشتغلت بي طردتني برا المهم قعدت معاهم لحدي المسي وانا مبسوطة وضحكتي للضرس الاخير..وراجلي جا بدري ودلعني شدييد ماف داعي اقول ليكم عمل شنو بس قالي الليلة لازم نجيب لامي حفيد جراني وانا بضحك وقفلنا باب غرفتنا..اليوم التاني عمتي ورت عمار يطلع الوساخة بس نسي تقريبآ بديت انزلها كلها ف الشوال عشان لم يجي من المدرسة يطلعها الزلط..وانا بكب فيها وبغني ف مادام معاي بدر البدور بنجوم سماي انا شن بدور..القي ليك عثمان بتم فيها معاي انا لمت اتهرطا وقلت ليه بنهرة كدا الجابك شنو؟؟ ضحك وقالي م قدرت ابعد عنك..والله ف سري دعيتو دعا..ولم شفتو الوساخة دفقت مني دنقرت بلم فيها وم اشتغلت بيه قالي ياريتني لو كنت ف محلها!! اتلفت عليه وقلت ليه انت فعﻵ وساخة ومشيت خليتو واقف..عمتي لم شافتو اتهجمت زي وقالت ليه خير لشنو اخدت ليك يومين بس وجيت!؟ قال ليها طلع لي شغل فجأة ولازم اجي..عاينت لي وليهو وقالت الله يجيب العواقب سليمة...
يتبع
ليست هناك تعليقات:
إرسال تعليق