عاينت ليه مسااافة وهو ولا خجل وعامل فيها كانو م ناقش حاجة طوالي سحبت يدي منو وقمت خليتو قاعد بعاين لي وانا م قدرت اديهو ضهري لانو جلبابي ضيق ولا بقدر اخت الملاية والبس توبي بس زحيت منو بعيد وقلت ليه خلاص الموضوع بتحلا إن شاءالله..طوالي قام ع حيلو وجا قصاد وشي وقال لي دا الانا بتمناه ولو احتجتي مساعدة انا موجود اعتبريني صديق!! وجا طالع قلت ليه عثمان إتلفت عاين لي قلت ليه إنت م صديق إنت اخوي وحماي إبتسم وطلع..لم شلت نفسي وختيتو لم طلع وفضلت بفكر ف المشكلة الكبرتها دي احلها كيف! عمر جا خاشي لقاني راقدة ف السرير وبفكر م اتكلم معاي فتح الدولاب شال ملابسو وقبل م يطلع وقفتو..والكلام راح لي م عرفت اعتذر ولا افتح الموضوع تاني ولا اعمل فيها زعلانة والله الاسويه غلبني..هو فهمني وجا قعد جمبي ف حافة السرير قالي عايزه تقولي حاجة..قلت ليه قول إنت!؟ إبتسم وقال غلطانة ومتكبرة وم عايزه تعتذري الله يصبرني عليك..قاطعتو قلت ليه انت كبرت الموضوع وقلت لي شافعة وكلام فاضي وانا انفعلت شوية..قال لي بس شوية!! ابتسمت وقلت ليه معليش م تزعل حضني وقالي انا م زعلان منك بس عايزك توعديني لو حصل بيناتنا اي خلاف م تدخلي زول لا امي ولا اخواني ولا زول نحل مشاكلنا برانا نتخاصم نتضارب نعمل اي شيء ونتصالح بدون م زول يتدخل! قلت ليه تمام اتفقنا..ق ب ل ن ي وقال عايز اسألك انتي كيف قلبك سمح ليك تطرديني من البيت والله امس شميتك شم والليل كلو بتقلب وم جاني نوم انا ضحكت وقلت ليه انا زاتي نفس الشيء م قدرت انوم من دونك..قرصني من نخرتي وقالي ماشي اشرب الشاي مع اخواني اجي القاك مظبطة عايز اعوض يوم امس..ضحكت وهو طلع..فعﻵ زولتكم م صدقت لبستة الروب الهو بحبو واتريحت وختيت الكبريت والبيت ريحتو بقت تدوخ عديل وانا متعنكشة ف السرير منتظراه..لمن جا شافني وقف متنح وفاتح خشمو متر وانا اتبسم ساااي وجهزت ليه موية ونور بس منتظرة يقرب..زولكم جا اداني بوسة ف راسي وقال لي طالعة بتجنني وطوالي إتجه ع الباب!! اتهجمت طبعآ وسألتو ماشي وين ضحك وقال لي ماشي الشغل!؟ انا اتغظت وقايلاه بهزر قلت ليه بس انا منتظراك قال لي م عندي مزاج ..تلبت من السرير ونطيت ليه ف رقبتو قلت ليه تقصد شنو يعني..قالي قله ادب مني ساي مش إنتي طردتيني امس وانا اتسديت وتاني باسني ف راسي وقال لي بعدين اجي القاك جاهزه حنمشي نحضر فلم وطلع..انا فضلت مخلوعة تخيلو بعد اتظبت وخلاص منتظرة جيتو بفارق الصبر مشى خلاني الكريه..ضحكت وامبطحت فالسرير..حاولت انوم بس م قدرت غيرت ملابسي وطلعت ع ناس عمتي لاقيت عثمان قال لي حرام عليكم راعو لشعونا عطور وبخور صباح ومساء نمشي وين نحنا ومشى خلاني واقفة منططة عيوني من قوة عينو وعدم خجلتو..المساء فعﻵ طلعنا مشينا عفراء حضرنا عرض اول لفلم بالمناسبة م رومانسي كان فلم رعب اتقول كان عايز ينتقم مني..يلا التزكرة كانت ب 250 يعني الإتنين500 قلت ليهو كتيرة ياخ قال لي دافعها ابوك حمرت ليه وقبل م افتح خشمي قال اها دايرة تعملي مشكلة تانية واناىقطعتها ف قلبي لكن وجعتني..طبعآ انا وعمر بنموت ف افلام الرعب بس انا بحضرها ف التفزيون م حصل حضرتها ف دور عرض وكمان3g انا كوركت كواريك وود الهرمة داك يضحك ساي..طلعنا متأخرين وطلبنا ترحال بس م استجابو لينا طوالي وع بال م يردو جا بتاع عربية قال حيقدمنا معاه وفعﻵ نزلنا الشهدا من هناك اجرنا امجاد وانا ميتة من الجوع قلت ليه انزل جيب لينا سندوتشات فعﻵ وقف بتاع الامجاد وجابهم لينا اكلت واتونسنا قال لي تاني عايزه شيء قلت ليه حاجة باردة بس ولو ايسكريم يكون افضل ضحك وقالي اكاله اصﻵ ولا دي غتاتة منك فلستي بي ضحكت وقلت ليه جابن ابوك!! عاين لي قلت ليه مالك ابو لابو فيهو فوت بتاع الامجاد زاتو ضحك معانا..وصلنا البيت وبالجد كانت من اجمل الليلي م زكرتني إلا باليلة دخلتي..اليوم التاني صحيت مشي م قادرة امشي وماف زول يقول لي السبب شنو..إتفقت مع حبيبي يوديني لاهلي لاني طولت منهم وعمتي زاتها قالت لي اربعينك جات امشي اخدي ليك اسبوع مع اهلك بكونو مشتاقين ليك..بس عثمان قالي بزعل كدا تمشي لشنو!! ف سري قلت مالو الكرية راجلي م معترض هو الدخلو شنو.. قبل م ارد عليه عمتي قالت ليه دي العادات ي عثمان العروس لازم تمشي الاربعين لاهلها سكت وتاني م قال شيء انا مشيت شلت غياراتي وجهزت وطلعنا تصدقو عبير بكت!! وقالت لي حشتاق ليك بالجد إتأثرت بس عمر الكرية استعجلني اطلعي اطلعي..ونحنا ماشين ف الطريق قلت ليه دقيقة دقيقة خلي نقيف ف محل الحلويات دا..عاين لي بإستغراب بس وقف بتاع التاكسي خشينا وقال لي عايزه باسطة قلت لبتاع المحل عايزه جردل ناعم وجردك بدفور عمر قالي خير وديل دليرة بيهم شنو برضو تبع العادات!؟ ضحكت وقلت ليه لالا بس عايزه اقول لامي انا جيتك بخبيزي لانو من وانا صغيرة بتقول لي شوفي كان م رجعوك لي بخبيزك عمر ضحك لمن اتشرق قالي إنتي مجنونة وراسك م تمام...اشترينا الحاجات ومشينا بيت اهلي..ياخ استقبلونا استقبال وحشوني وكانو سنة م شفتهم عمر قيل معانا وطلع قال عندو شغل ..الجارات جني وصحباتي وعديناها ونسة وضحك اليوم كلو بليل اتصل علي حبيبي نضحك ونهزر ونتغزل ف بعض ونترومنس بس رصيدو خلص وانا م عندي شان اتصل عليه وقلقتا ياخ هديل م خلتني وشغلتها لي الجديد شديد وشوفو قله الادب اها قال ليك شنو قرصك عضاك وانا بضحك وبسكت فيها بس تلفوني رنه خطفتو قايلاهو نزل رصيد بس ظهر لي رقم عثمان والوقت اتأخر بكون عايز مني شنو!! م رديت تاني اتصل لم فتحت الخط لقيتو حبيبي قال لي ي كريها مالك م بتردي يلا فتحنا ليك ف النبز ننبز بعض ونضحك ولو م تلفوني شحنو خلص كان جريناها للصباح ختيتو ف الشاحن ونمت..من الصباح بدري رجع لي لم شفت رقم عثمان قلت بكون عمر مبيت معاه تلفون اخوة..قلت صباح الخير حبيبي..قال ياريت لو ابقى حبيبك..انا من الخلعة جدعت التلفون المتصل عثمان م عمر!!؟
نواصل بعدين..
ليست هناك تعليقات:
إرسال تعليق