لم جدعت التلفون وبقيت فاتحة خشمي اختي اتخلعت وقالت لي الحاصل شنو؟! م قدرت ارد عليها لانو انا زاتي م عارفة الحاصل شنو..تلفوني مع الوقعة ديك قفل وابيت افتحو اليوم مشى سريع اتونست مع اخواني وابوي الغالي وهديل م خلت سؤال م سألتني ليه..بعد الفطور ولم قمت اغسل العدة امي ابت لي وانا فقعت الضحكة واتزكرت ايام كانت بتسكني بالمفراك عشان اغسل العدة عشان كدا ي بنات عرسن ساي..قالت لي إنتي لسه ف جنك داك وم عقلتي وبدت تنصح فيني اعملي داك وم تعملي داك وم تهزري مع الرجال لا اخوان راجلك ولا الغيرهم لانو الهزار بعشم وبحقر وتوبك م تقلعية إلا وانتي مع راجلك وكلام كتييييير لبكرة م بيخلص..وانا ع سيرة زوجك اتزكرت التلفون جريت جري فتحتو لقيت مكالمات ورسائل من حبيبي..اتقول عرف اني فتحت التلفون طوالي خش علي ومحاضرة مطوله عشان قفلت التلفون بس م وريتو انو عثمان اتصل علي الصباح م عارفة المنعني شنو..اديتو هديل اتكلمت معاه ولم لقيتها جرجرت ف الكلام خطفتو منها وبدت ف الردحي اي عمر ابليكجي دا كيف م بسو فيه كدا وانا اضحك..يجماعة مش انا كنت وسط اهلي بس والله فقدت بيتي واشتقت ليهم كلهم..باليل اتصل علي حبيبي م قادر ينوم ولا انا! عملنا البنقدر عليه وم خلينا شيء م قلنا والرغبة ماشة تزيد هديل شافتني اتململ ساي بقت تضحك وتقول لي مالك السرير فيهو شوك انا قلت ليها انطمي ولا اسسه بكبسك ضحكت لمن صرخت امي دقت لينا الباب بعداك اي واحده فينا اتجهت ع حيطتها..من الصباح اتصل علي عمر قالي م بقد اصبر الليلة بجي اسوقك انا زاتي م صدقت دايرة اطير من الفرح بس ابيت اظهر ليه شان م يقول البت شفغانة وقلت ليه خليني يومين تاني وانا لسه م شبعت منهم وهو يحنس فيني ويقول لي بعد اسبوعين نجي نبيت معاهم المهم وافقت وقلت ليه خلاص تعال منتظراك..وريت امي نقشت الموضوع وابتسمت بس م قالت لي حاجة..انا جهزت ومنتظرة عمر هديل كانت بتتفرج ع صور ف تلفوني وشافت صور الرحلة..وكوركت انا قايله قرصتها عقرب لمن خلعتي دا منو الكسار دا وحي من السماح وانا بضحك قلت ليها دا عثمان اخو عمر وتعالو شوفو الإنبراش لمن زهجت منها خليتها بتدردق مع الصور ومشيت لامي خمس دقايق م تميتها عثمان دقة الباب!! اي عثمان اتهجمت لم شفتو سلم علينا وتعالو شوفو هديل الكبكبة م فضل إلا تحضنو..قلت ليه خير وين عمر نظر لي نظرتو الخبيثة ديك وقال انا طلبت منو انو اجي اسوقك عشان اتعرف ع اسرتك..انا شميتو كيف واتنونس مع اهلي شوية وقال لي ارح بعده..طلعنا فتح لي الباب القدام ركبت ورا وقف مسافة واتحركنا يعاين لي ساي بالمرايا وانا خشمي عندي..قال لي اخبارك شنو فقدناك من امس قلت ليه كويسة..قال لي لسه م بقيتو تلاتة ليش؟!! ولا اخوي م شايف شغلو انا اتغظت قلت ليه تقصد شنو ضحك وقال لي ولا شيء!! ونحنا ماشين ف طريق ضرب ليه زول بوري وقف العربية شايفاهم بتحاضنو وبضحكو جا دقة لي الباب م فتحتو بس نزلت القزار سلمت ع الزول من بعيد قال ليه ماشاءالله كلامك صاح كان كدا تستحق اعمل ليك شريحتك خط مش انترنت شهري بس!! بصراحة انا م فهمت شيء لم جا ركب قال لي دا صاحبي مدير فرع لشركة اتصالات وكان متراهن معاي ع شيء وعاين لي مبتسم كالعادة بالمرايا وانا ولا قلت ليه بتقول ف شنو..وصلنا البيت ارتحت راحة ف الدنيا دي وكانو غبت عنهم شهر..المسي بعد م عمر جا وقمتا بالواجب..سألتو عن عثمان حيسافر متين..عاين لي مسافة وقال إجازتو تلاتة شهور بس دائما بقعد ليه زي شهرين وبيرجع انا حمدت الله..قالي بس ليش السؤال!! م رديت علية ونمت..الصباح كان عندي غسيل كتييير عمتي قالت لعبير تغسل لي بس انا رفضتة وقلت ليها خلاص تساعدني ف المكوة بس بغسل براي وفعﻵ اثناء م بغسل مشيت ادفق الموية لقيت عثمان برا الشارع بسجر دفقتها ولا عاينت ليه جيت راجعة قال لي ماشاءالله شايلة تقيل!! انا بطني ماصتني قلت ليه شنو اخد ليه نفس وقال لي فهمتي شنو م اشتغلت بيه دخلت البيت مدا راسو قال لي الباقة تقيلة عليك بعد تخلصي ناديني ادفق ليك المويه...الكلام ولا كانو لي طوالي مشيت..جات عبير شرت لي خشيت استحميت وجلبابي وقع ف الحمام وقرفت البسو كدا ناديت عبير ردت لي عمتي وقالت عبير عند الجيران عايزه حاجة.. وخجلت ارسلها تجيب جلباب قلت ليها لالا لبست قنيلتي كاملة ولبست توبي وجري ع بيتي عشان ماف زول يشوفني وع دخلتي غرفتي القى ليكم عثمان جووووة وراقد ف سريري انا ركبي ساحوو.. يتبع..
ليست هناك تعليقات:
إرسال تعليق